Jankent

Jankent — qad. shahar harobasi (mil. 1-asr — 16-asr boshi). Orol dengizining shim.-sharqiy qirgʻogʻida, hozirgi Kazalinsk sh. yaqinida joylashgan. 9—13-asr manbalarida Yangikent nomi bilan mashhur boʻlgan. 10-asr manbalarida aytilishicha, J. oʻgʻuzlar mamlakatining asosiy shahri hisoblangan. J. moʻtullar istilosi (13-asr)ga qadar Sirdaryoning quyi oqimida yashagan aholining siyosiy qarorgohi, savdo va xunarmandchilik markazi boʻlgan. Volga boʻyi, Kiyev va Novgorod bilan aloqa qilib turgan. 16-asr boshlarida, shayboniylar davrida J. haroba holga kelgan.