Kontent qismiga oʻtish

Jasur Narziqulov

Vikipediya, ochiq ensiklopediya
Jasur Narziqulov
Shaxsiy maʼlumot
Toʻliq ismi Jasur Meliyevich Narziqulov
Tavallud sanasi 13-aprel 1984-yil (1984-04-13) (40 yosh)
Tavallud joyi Jizzax, Oʻzbekiston SSR
Boʻyi 189 cm (6 ft 2 1⁄2 in)
Ampluasi Darvozabon
Klub maʼlumoti
Joriy klub
 Faoliyatini yakunlagan
Professional faoliyati*
Yillar Jamoa Isht. (Gol.)
2005 Ordabasi 13 (0)
2006-2007 Aktobe 29 (0)
2008-2009 Andijon 24 (0)
2010 Mashʼal 15 (0)
2011 Qizilqum 5 (0)
2011 Qaysar 15 (0)
2012-2013 Aktobe 4 (0)
2014 Taraz 13 (0)
2015-2017 Atirau 69 (0)
2018 Ordabasi 22 (0)
2019 Tobol 1 (0)
2020-2022 Aktobe 31 (0)
Milliy terma jamoa
2006-2007 Qozogʻiston 3 (0)
*Professional klublardagi gollari (ichki chempionat)

Jasur Meliyevich Narziqulov (qozoqcha: Жасур Мелиевич Нарзикулов; 1984-yil 13-aprel, Jizzaxda tugʻilgan) – qozogʻistonlik sobiq futbol darvozaboni.

Jasur avval Jasulan Dehqonov nomi bilan tanilgan va ismining soxtalashtirishi natijasida bir muddat Qozogʻistonda futbol oʻynashdan chetlashtirilgan edi.

Futbolchilik faoliayti

[tahrir | manbasini tahrirlash]

Klub

[tahrir | manbasini tahrirlash]

Jasur futbolchilik faoliyatini „Ordabasi“ jamoasida boshlagan[1][2]. 2006-yilgi mavsum oʻsha davrdagi mamlakatning eng kuchli jamoalaridan biri, „Aktobe“ klubiga oʻtgan. 2008-yil 2 mart kuni Aktobe klubi bilan 2008-yilgi futbol boʻyicha Qozogʻiston Superkubogini qoʻlga kiritgan. Ammo 21-mart kuni yosh oʻyinchilarning barcha hujjatlari yoshga muvofiqligi tekshirilganda, Jasur soxta hujjatda roʻyxatdan oʻtgani maʼlum boʻlgan. Tekshiruvlarga koʻra 1987-yilda tugʻilgan Dehqonov Jasulan Javlomboyevich aslida boshqa inson ekani maʼlum boʻlgan[3]. Futbolchi Dehqonov (Narziqulov) Qozogʻiston futbol federatsiyasi tomonidan oʻtkaziladigan barcha rasmiy turnirlarda ishtirok etishdan chetlashtirilgan. Futbol jamoatchiligining noroziligi sabab maʼlum vaqt Qozogʻistonni tark etgan[4].

2009—2011-yillar Oʻzbekistondagi futbol klublarida oʻynagan. Bu davrda avvaliga „Andijon“ va „Mash’al“, keyinchalik esa „Qizilqum“ (Zarafshon) klubi tarkibida oʻynagan. Jasur Oʻzbekistonda tugʻilganiga qaramay, Qozogʻiston terma jamoasi tarkibida oʻynagani sababli allaqachon qozogʻistonlik deb hisoblangan va shu sababdan terma jamoaga taklif qilinmagan.

2011-yilgi mavsum oʻrtalarida Jasur Qozogʻistonga qaytgan va Qiziloʻrdaning „Qaysar“ klubi bilan shartnoma imzolagan[5]. 2012-yil yanvar oyida Jasur yana „Aktobe“ klubi tarkibiga qaytgan va jamoa bilan ikki yillik shartnoma imzolagan. Bu davrda klub murabbiylik qilgan rossiyalik Vladimir Muxanov uni mavsum davomida chempionatda oʻynashiga bermagan va klubning asosiy darvozaboni rossiyalik Andrey Sidelnikov deyarli barcha oʻyinlarda ishtirok etgan. Jasur Aktobe bilan mamlakat chempioni unvonini qoʻlga kiritgan boʻlsa-da, atigi 4 ta oʻyinda ishtirok etgan. 2014-yilgi mavsum oʻrtasida Aktobe klubida oʻyin amaliyoti kamligi sababli jamoani tark etgan va Taraz jamoasi bilan shartnoma imzolagan[6].

2015-yilda Jasur „Atirau“ jamoasi bilan shartnoma imzolagan va uch mavsum davomida Atirov shahri jamoasi tarkibida oʻynagan[7]. 2018-yilning yanvar oyida Narziqulov „Ordabasi“ jamoasi bilan bir yillik shartnoma imzolagan[8]. Ammo klub mavsum yakunida medallarsiz qolgani sababli shartnoma uzaytirilmagan.

2019-yil 26-iyun kuni yozgi transfer oynasida 35 yoshli tajribali darvozabonni Qoʻstanayning „Tobol“ klubi bilan mavsum oxirigacha shartnoma imzolagan[9]. 2019-yilning 12-dekabrida „Tobol“ Narziqulov shartnoma muddati tugagach, klubni tark etganini eʼlon qilgan[10]. Jasur yil oxirida klubni tark etgan va keyin 2020-yilgi mavsum uchun „Aktobe“ jamoasi tarkibiga qaytgan[11]. Aktobe jamoasi uch mavsum davomida oʻynagan va asosan zahira darvozabon vazifasini bajargan. 2023-yilning fevral oyida Narziqulov Turon klubi bilan shartnoma imzolagani maʼlum qilingan. 2023-yilgi mavsum kuzida professional faoliyatini yakunlaganini eʼlon qilgan[12].

Pasport mojarosiga aloqadorlik

[tahrir | manbasini tahrirlash]

2008-yilning mart oyida Qozogʻiston futbol federatsiyasi tomonidan futbolchilarning hujjatlarini soxtalashtirishini boʻyicha nazorat oʻtkazilgan. Natijada Narziqulov shaxsini tasdiqlovchi hujjatlarni qalbakilashtirgani va boshqa ism ostida musobaqalarda ishtirok etgani maʼlum boʻlgan. Jasur 2005-yilda Qozogʻiston fuqaroligini olgan davrida asl tugʻilgan sanasini 1984-yildan 1987-yilga, shuningdek asl ismini Jasulan Dehqonovga oʻzgartirgani aniqlangan[13]. Natijada 2008-yilgi mavsum davomida Qozogʻistonda futbolning har qanday turida ishtirok etishdan chetlashtirilgan[14].

Faoliyat statistikasi

[tahrir | manbasini tahrirlash]

Xalqaro

[tahrir | manbasini tahrirlash]
2007-yil 7-martda oʻtkazilgan oʻyin holatiga koʻra toʻgʻri
Terma jamoa va yil boʻyicha koʻrinish va gollar
Milliy terma jamoa Yil Oʻyin Gol
Qozogʻiston 2006 2 0
2007 1 0
Umumiy 3 0

Yutuqlar

[tahrir | manbasini tahrirlash]

Aktobe

[tahrir | manbasini tahrirlash]

Manbalar

[tahrir | manbasini tahrirlash]
  1. ↑ Jasur Narzikulov: „U golkiperov osobaya missiya“
  2. ↑ Jasur Narzikulov: „U golkiperov osobaya missiya“ sports.kz
  3. ↑ Skandal. Annulirovan itog igri za superkubok
  4. ↑ Jasur Narzikulov: „Xochu igrat za sbornuyu Kazaxstana“
  5. ↑ Jasur Narzikulov: „Ot vsego otkazalsya v nadejde vernutsya v Kazaxstan“[sayt ishlamaydi]
  6. ↑ „Жасур Нарзикулов: «Тараз» — мой шанс проявить себя"“. 2018-yil 28-martda asl nusxadan arxivlangan. Qaraldi: 2018-yil 27-mart.
  7. ↑ „«Атырау» пока не может заявить скандально известного голкипера Нарзикулова“. 2018-yil 27-martda asl nusxadan arxivlangan. Qaraldi: 2018-yil 27-mart.
  8. ↑ „Стало известно, где продолжит карьеру Нарзикулов“. 2018-yil 28-martda asl nusxadan arxivlangan. Qaraldi: 2018-yil 27-mart.
  9. ↑ „«Тобол» объявил о подписании известного голкипера“. 2019-yil 26-iyunda asl nusxadan arxivlangan. Qaraldi: 2019-yil 26-iyun.
  10. ↑ „Спасибо, Жасур!“ (ru). fctobol.kz/. FC Tobol (2019-yil 12-dekabr). 2021-yil 8-dekabrda asl nusxadan arxivlangan. Qaraldi: 2019-yil 15-dekabr.
  11. ↑ „Aqtөbe“ futbol klubiniң jaңa qұrami belgіlі boldi, inbusiness.kz, 14 March 2020
  12. ↑ „Чемпион и обладатель Суперкубка Казахстана по футболу завершил карьеру“ (ru). Sports.kz. 2023-yil 15-noyabrda asl nusxadan arxivlangan. Qaraldi: 2023-yil 15-noyabr.
  13. ↑ „"Atrofda qalbaki pasportga ega ko'plab futbolchilar borligi juda achinarli, lekin men yolg'iz qo'lga tushdim." Jasur Narziqulov - soxta hujjatlar bilan KPLning tirik afsonasi“. 2022-yil 20-sentyabrda asl nusxadan arxivlangan. Qaraldi: 2022-yil 17-sentyabr.
  14. ↑ Hunt for forgers started (Wayback Machine saytida 2012-02-10 sanasida arxivlangan) from Sport.gazeta.kz 21 March 2008
  15. ↑ „arxiv nusxasi“ (ru). sport.kg. 2016-yil 7-martda asl nusxadan arxivlangan. Qaraldi: 2014-yil 14-mart.

Havolalar

[tahrir | manbasini tahrirlash]
"https://uz.wikipedia.org/w/index.php?title=Jasur_Narziqulov&oldid=5275123" dan olindi