Joʻra Musayev

Shaxsiy maʼlumotlari
Tavalludi	5-dekabr 1928-yil
Vafoti	27-oktyabr 2014-yil(2014-10-27) (85 yoshda)
Mukofotlari

Musayev Joʻra Azimboyevich (1928.5.12, Yangiyoʻl shahri) — genetik olim, Oʻzbekiston Fanlar akademiyasi akademik (1984), Oʻzbekistonda xizmat koʻrsatgan fan arbobi (1980), biologiya fanlari doktori (1973), professor (1975). Oʻrta Osiyo universitetni tugatgan (1948). Toshkent Davlat Universiteti darvinizm va genetika kafedrasi assistenti (1952-56), dotsenti (1956-1974), tayyorlov fakulteti umumiy nazariy fanlar kafedrasi mudiri (196166), gʻoʻza xususiy genetikasi —problema laboratoriya mudiri (1974-yildan), darvinizm va genetika kafedrasi mudiri (1981—84), Oʻzbekiston Fanlar akademiyasi Oʻsimliklar eksperimental biologiyasi instituti direktori (1982—84), Fanlar akademiyasi Prezidiumi aʼzosi (1984—88), Prezidiumning bosh ilmiy kotibi (1985—88), Oʻzbekiston Fanlar akademiyasi Oʻsimliklar ekspere-mental biologiyasi instituti gʻoʻza xususiy genetikasi laboratoriya mudiri (1989—92), Fanlar akademiyasi Genetika instituti tashkilotchilaridan. Shu institut oʻsimliklar genetikasi boʻlimi boshligʻi (1992—2000), ilmiy maslahatchisi (2000-yildan). Oʻzbekiston milliy universiteti biologiya - tuproqshunoslik fakulteti genetika va sito-embriologiya kafedrasi mudiri (2000-yildan). M. gʻoʻzaning irsiy toza genetik kolleksiyasini yaratgan. Birinchi boʻlib allotetraploid gʻoʻzalar belgi va xususiyatlarini, genlarning kombinativ taʼsirida irsiylanishi toʻgʻrisidagi genetik nazariyaga asos solgan. M. va shogirdlari gʻoʻzaning monosomik, translokatsion va sitologik markerlangan liniyalari kolleksiyasini yaratishgan. M. gʻoʻzaning "Gulbahor", "Navbahor", "Armugʻon" navlari mualliflaridan biri. "Oʻzbekiston milliy ensiklopediyasi" Bosh tahrir hayʼati aʼzosi (1997-yildan). "Elyurt hurmati" ordeni bilan mukofotlangan (1998).