Joʻxori gurtik
 Qoraqalpoq oshxonasining milliy taomi — „Júweri gúrtik“ | |
| Turi | xamirli taom |
|---|---|
| Milliy oshxona | Qoraqalpoq oshxonasi |
| Asosiy komponentlari | joʻxori uni, piyoz, kartoshka, sabzi, goʻsht |
Joʻxori gurtik (qoraqalpoq tilida: Júweri gúrtik, jueri gurtik yoki jugeri gurtik) – qoraqalpoq oshxonasining joʻxori unidan tayyorlanadigan milliy taomi. U Qoraqalpoq oshxonasida keng tayyorlanadigan taom sirasiga kiradi. Taomni odatda beshbarmoq bilan adashtirib yuborishadi.
Tayyorlash jarayoni
[tahrir | manbasini tahrirlash]Joʻxori gurtikni tayyorlashda asosan un va maxsus yormadan foydalaniladi. Un Qoraqolpogʻiston hududida barqaror oʻsimlik boʻlgan joʻxori donidan tayyorlanadi. Taom uchun maydalanib yumaloq shaklga keltirilgan piyoz, kartoshka va sabzi qoʻshilgan goʻsht aralashmasi kerak boʻladi. Bu taom bir qarashda chuchvaraga oʻxshab ketadi[1][2][3]. Joʻxori gurtik asosan qoʻzichoq yoki kurka goʻshti aralashmasidan hozir boʻlgan masalliqni joʻxori unidan tayyorlangan tanga shaklidagi xamirga tugish orqali pishiriladi.
„Júweri gúrtik“ kuni
[tahrir | manbasini tahrirlash]2023-yilning 25-fevral kuni turli ijtimoiy tarmoqlar orqali jamoatchilik tarafidan „Júweri gúrtik“ kunini Qoraqalpogʻiston Respublikasida keng nishonlash tashabbusi mahalliy aholi tomonidan qoʻllab-quvvatlangan. Shundan soʻng Xoʻjayli tuman hokimligi, shuningdek, Turizm va madaniy meros vazirligi, Qoraqalpogʻiston Respublikasi Oshpazlar uyushmasi, Nukus shahri 1-sonli ixtisoslashtirilgan madaniyat maktabi jamoasi koʻmagida ilk bor „Júweri gúrtik“ kuni nishonlangan. Joʻxori gurtikning eng katta porsiyasi Nukus shahrida joylashgan prezident maktabida tayyorlangan. Prezident maktabidagi taomni tayyorlash jarayonida 20 ta kurka goʻshti, 35 kg joʻxori uni va 15 kg bugʻdoy uni sarflangan. Tayyorlangan taom diametri 3,5 x 2,5 metr oʻlchamda tayyorlab olingan „lagan“ga suzilgan[4]. „Júweri gúrtik“ kunini Rossiya, Qozog‘iston, Qirg‘iziston, Janubiy Koreya va boshqa mamlakatlarda yashovchi qoraqalpoq faollari ham birga nishonlaganlar[5].
Yana qarang
[tahrir | manbasini tahrirlash]Manbalar
[tahrir | manbasini tahrirlash]- ↑ Ėtnografii︠a︡ karakalpakov XIX-nachalo XX veka: (materialy i issledovanii︠a︡) (ru). Izd-vo "Fan" Uzbekskoĭ SSR, 1980.
- ↑ „Жугери гуртик | Etnos“ (ru). Assambleya naroda Kazaxstana. Qaraldi: 2023-yil 7-oktyabr.
- ↑ „Ўзбекистонда илмий-амалий тадқиқотлар мавзусидаги конференция материаллари.pdf“. 2022-yil 24-aprelda asl nusxadan arxivlangan. Qaraldi: 2023-yil 7-oktyabr.
- ↑ „NUKUS SHAHRIDAGI PREZIDENT MAKTABIDA JO'XORI GURTUK (JÚWERI GÚRTIK) FESTIVALI TASHKIL ETILDI“. Telegraph (2023-yil 25-fevral). Qaraldi: 2023-yil 7-oktyabr.
- ↑ „Foto: Qoraqalpog‘istonliklar «Juo‘yeri gurtik» kunini nishonladi“ (uz-Latn). Газета.uz (2023-yil 27-fevral). Qaraldi: 2023-yil 7-oktyabr.