Kasai (daryo)

Kasai
Tavsif
Uzunligi	2 272
Suv sarfi	12 000 m³/s
Joylashuvi
Davlat	Angola va Kongo Demokratik Respublikasi
Kasai (daryo)

Kasai (portugalcha: Rio Cassai, fransuzcha: Kasaï; quyi oqimida Kva) — Markaziy Afrikadagi daryo, Angola va Kongo Demokratik Respublikasi xududida. Kongo daryosining yirik chap irmogʻi. Uzunligi 2000 km, havzasining maydoni 880,2 ming km². Lunda platosidan boshlanib, uning shimoliy yon bagʻirlari boʻylab ostona va sharsharalar hosil qilib, Kongo botigʻiga oqib tushadi. Quyi oqimida koʻlga oʻxshash shakllarni hosil qilgan. Yirik irmoqlari: oʻngdan — Lulua, Sankuru, Fimi; chapdan — Kvango. Sentyabr—oktyabrdan aprelgacha toʻlib oqadi. Oʻrtacha suv sarfi 10 ming m3/sek. Baliq ovlanadi. Quyilish joyidan boshlab 790 km masofada kema qatnaydi. Yirik pristani — Ilebo. Kasai havzasida yirik olmos konlari bor.