Kyuvye vayi
Kyuvye vayi (dustus Cuvieri; J. Kyuvye sharafiga) — lansetnik va umurtqali hayvonlarning qon tomiri. Kyuvye vayi oldingi va keyingi kardinal venalarning qoʻshilishidan hosil boʻladi; vena sinusi yoki bevosita yurak boʻlmasiga kelib quyiladi. Faqat toʻgarak ogʻizlilar, baliqlar va dumli amfibiyalarning voyaga yetgan davrida saqlanib qoladi. Boshqa hayvonlarning embrioval rivojlanish davrida boʻladi. Dumsiz amfibiyalar va amniotlarda Kyuvye vayidan kovak vena hosil boʻladi. Ayrim sut emizuvchilar va odamda faqat oʻng Kyuvye vayi kovak venaga aylanadi; chap Kyuvye vayining proksimal qismi saqlanib qolib, yurak vena sinusini hosil qiladi.[1]
Manbalar[tahrir | manbasini tahrirlash]
|
Bu maqolada boshqa til boʻlimlariga ishorat yoʻq. Siz ularni topib va ushbu maqolaga qoʻshib, loyihaga yordam berishingiz mumkin. |
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Bu andozani aniqrogʻiga almashtirish kerak. |