Luqmon Boʻrixon

Luqmon Boʻrixon
Tavalludi	15-fevral 1965-yil
Vafoti	25-iyul 2023-yil(2023-07-25) (58 yoshda)
Yoʻnalish	Nasr
Janr	Hikoyanavislik
Shoh asari	„Begimqul katta“, „Yalangoyoq“, „Sirli muallim“, „Xizr koʻrgan yigit“, „Jaziramadagi odamlar“
Mukofotlari

Luqmon Boʻrixon (1965-yil 15-fevral, Yangiobod qishlogʻi, Gʻuzor tumani, Qashqadaryo viloyati, Oʻzbekiston SSR – 2023-yil 25-iyul, Toshkent, Oʻzbekiston) – oʻzbekistonlik yozuvchi, Oʻzbekiston Yozuvchilar uyushmasi aʼzosi, Oʻzbekistonda xizmat koʻrsatgan madaniyat xodimi, "Shuhrat" medali sohibi.

Hayoti

Luqmon Boʻrixon 1965-yilning 15-fevralida Qashqadaryo viloyati Gʻuzor tumaniga qarashli Yangiobod qishlogʻida tugʻilgan. 1983-1985-yillarda muddatli harbiy xizmatni oʻtagan. 1986-yilda Toshkent davlat universitetining jurnalistika fakultetiga oʻqishga kirib, 1991-yilda tamomlagan.

Faoliyati

Luqmon Boʻrixon „Turkiston“ va „Maʼrifat“ gazetalarida adabiy xodim, keyinchalik boʻlim mudiri sifatida faoliyat koʻrsatgan. „Yoshlik“ jurnalining bosh muharriri boʻlgan.

Asarlari

Luqmon Boʻrixonning dastlabki hikoyasi 1987-yilda „Begimqul katta“ nomi bilan nashr etilgan. Shundan keyin yozuvchining „Yalangoyoq“ (1991), „Sirli muallim“ (2006), „Hizr koʻrgan yigit“ (2007), „Temiryoʻl yoxud titrayotgan togʻ“ (2009), „Quyosh hali botmagan“, (2018), „Marhamatli kun“ (2019), singari qissa va hikoyalar toʻplamlari chop etilgan. Oʻqituvchilar hayotidan olingan „Sirli muallim“ qissasi Oʻzbekiston Xalq taʼlimi vazirligi tanlovida gʻolib deb topilgan. 2005-yilda „Jaziramadagi odamlar“ romanini yaratdi. Luqmon Boʻrixon yozgan „Sokin daryo“ romanida olim Oʻktam Umurzoqovning hayoti va faoliyati hikoya qilinadi.