Malbagar Mendiqulov

Malbagar Mendiqulovich Mendiqulov
Tavalludi	10-noyabr 1909-yil; Orenburg okrugi, Karabutak qishlogʻi
Vafoti	17-avgust 1986-yil ; (76 yoshda); Olmaota, Qozogʻiston SSR, SSSR
Fuqaroligi	Rossiya imperiyasi → SSSR
Mukofotlari

Malbagar Mendiqulovich Mendiqulov (1909-yil 10-noyabr Orenburg okrugi, Karabutak qishlogʻi – 1986-yil 17-avgust, Olmaota, Qozogʻiston SSR, SSSR) – Qozogʻiston SSRda xizmat koʻrsatgan meʼmor, SSSR Qurilish va arxitektura akademiyasining muxbir aʼzosi, qozoq arxitektura fanining asoschisi, arxitektura fanlari nomzodi, professor, Qozogʻiston politexnika instituti arxitektura fakulteti arxitektura tarixi va nazariyasi kafedrasi mudiri.

Hayoti

1909-yil 10-noyabrda Orenburg viloyati, Orenburg tumani, Karabutak qishlogʻida (hozirgi Orenburg viloyati, Adamovskiy tumani) tugʻilgan^[1].

1936-yilda O‘rta Osiyo sanoat institutini imtiyozli diplom bilan tamomlab, fuqarolik bino va inshootlarini loyihalash bo‘yicha me’morlik malakasi va kasbini egalladi. Institutni tugatgandan so'ng arxitektura fani o‘qituvchisi lavozimiga taklif qilindi. 1937-yildan „Oʻzlegsanoat“ va „Toshgorloyiekt“ loyiha institutlarida ishladi. Ushbu institutlarda ketma-ket arxitektor, katta arxitektor, guruh rahbari lavozimlarida ishladi. „Toshgorloyiha“da Oʻzbekiston poytaxti markazi, xususan, Navoiy shoh koʻchasi va Alisher Navoiy nomidagi teatr loyihasi ustida ishlagan. Uning oʻsha davrdagi eng mashhur ishlaridan bir Toshkent kanalining Angren qismi loyihasi boʻlgan^[2].

1941-yilda unga Toshkent shahri bosh arxitektori mas’ul lavozimi ishonib topshirildi. U shu bilan birga Oʻzbekiston arxitektorlar uyushmasi boshqaruvi raisi hisoblangan.

Ikkinchi jahon urushigacha Toshkent shahrining bosh meʼmori boʻlib ishlagan va oʻz xohishi bilan frontga ketgan. 1945-yil 9-mayda mayor darajasiga koʻtaripgan. 1945-yil sentabrda demobilizatsiya qilindi. U Oʻzbekistonga qaytib, „Oʻzplanproyekt“ respublika loyiha tashkilotiga rahbarlik qildi.

Uning rahnamoligida Toshkent shahrida bir qator mashhur inshootlar loyihalashtirilib, barpo etildi.

1947-yilda Qozogʻiston hukumati meʼmor M.Mendiqulovni Olmaotaga taklif qildi, oʻsha paytdan to vafotigacha Qozogʻistonda ishladi.

U 1986-yil 17-avgustda Olmaotada vafot etdi va shaharning Kensay qabristoniga dafn qilindi^[3].

Manbalar

↑ „Бессмертный полк. Новый Уренгой. Мендикулов Малбагар“. www.moypolk.ru. Qaraldi: 29-noyabr 2023-yil.
↑ „Мендикулов малбагар мендикулович“. www.inform.kz. Qaraldi: 29-noyabr 2023-yil.
↑ „Звездный некрополь“. 2021-yil 7-dekabrda asl nusxadan arxivlangan. Qaraldi: 2021-yil 7-dekabr.

[1] „Бессмертный полк. Новый Уренгой. Мендикулов Малбагар“. www.moypolk.ru. Qaraldi: 29-noyabr 2023-yil.

[2] „Мендикулов малбагар мендикулович“. www.inform.kz. Qaraldi: 29-noyabr 2023-yil.

[3] „Звездный некрополь“. 2021-yil 7-dekabrda asl nusxadan arxivlangan. Qaraldi: 2021-yil 7-dekabr.

[1]

[2]

[3]