Mamanazar Jumayev

Mamanazar Ergashevich Jumayev
Tavalludi	29-dekabr 1960-yil (1960-12-29) Sherobod, Surxondaryo viloyati, Oʻzbekiston SSR
Fuqaroligi	Oʻzbekiston
Kasbi	matematik olim
Sohasi	pedagogika
Taʼlimi	Termiz davlat pedagogika instituti
Ilmiy darajasi	pedagogika fanlari nomzodi
Ilmiy unvoni	professor

Mamanazar Ergashevich Jumayev (1960-yil 29-dekabr, Sherobod tumani, Surxondaryo viloyati, Oʻzbekiston SSR) — oʻzbekistonlik olim, pedagogika fanlari nomzodi, professor.

Biografiyasi

Mamanazar Jumayev 1960-yil 29-dekabr Sherobod tumanidagi Poshxurt qishlogʻida oʻqituvchi oilasida tugʻilgan. Otasi Jumayev boshlangʻich taʼlim va matematika oʻqituvchisi boʻlgan.1980—1984-yillarda Termiz davlat pedagogika institutining fizika-matematika fakultetida tahsil olgan. 1984—1996-yillarda Sherobod tumanidagi 33-maktabning matematika fani oʻqituvchisi boʻlib ishlagan. 1996—1997-yillarda Toshkent davlat pedagogika instituti stajyor-tadqiqotchisi, 1997-2002-yillarda institut oʻqituvchisi, 2002—2006-yillarda matematika kefedrasi dotsenti sufatida faoliyat olib borgan. Hozirda boshlangʻich taʼlimda matematika va uni oʻqitish metodikasi kafedrasi professori.

Ilmiy faoliyati

2002-yilda dotsent ilmiy unvoni berilgan. 300 dan oritq maqolalar, 2 ta monografiya hamda oliy taʼlim muassasalari uchun „Oliy matematika“, „Matematika oʻqitish metodikasi“, „Elementar matematik tasavvurlarni shakllantirish metodikasi“ darsliklari; „Matematika oʻqitish metodikasidan praktikum“, „Matematika oʻqitish metodikasidan laboratoriya mashgʻulotlari“ oʻquv qoʻllanmalari, pedagogik yoʻnalishdagi kasb-hunar kollejlari uchun „Matematika oʻqitish metodikasi“, „Bolalarda boshlangʻich matematik tushunchalarni rivojtirish nazariyasi va metodikasi“ oʻquv qoʻllanmalari, oʻzbek, rus, qozoq, qirgʻiz, tojik, turkman, qoraqalpoq tillarida oʻqitiladigan umumtaʼlim maktablarining 1-sinfi uchun „Matematika“ darsligi, „Matematika daftari“, „Oʻqituvchi kitobi“ singari 10 dan ortiq darslik va oʻquv qoʻllanmalar muallifi.