Mennonitlar

Mennonitlar – XVI asrning 30-yillarida anabaptizmdan ajralib chiqqan va oʻz nomlanishini rahbari gollandiyalik ruhoniy Menno Simonsdan oldilar. Mennonitlar har qanday zoʻrlashni gunoh deb hisoblaydilar, moʻmin boʻlishni, yomonlikka zoʻrlikni qarshi qoʻymaslikni targʻib qiladilar. Baptist va anabaptistlar singari choʻqintirishni katta boʻlganda oʻtkazishni toʻgʻri deb biladilar, chunki ijodkor eʼtiqod faqat katta kishilarda boʻlishi mumkin deb hisoblaydilar. Xristianlikda qabul qilingan vino va non bilan tamaddi qilish marosimidan tashqari oʻziga xos gʻururni tiyish timsoli boʻlgan bir-birining oyogʻini yuvish marosimi ham mavjud. Diniy jamoaning barcha choʻqintirilgan aʼzolarining tengligiga qaramasdan mennonitlar oʻrtasida ruhoniylar ham bor. Menonnitlar Isonining yerga ikkinchi marta qaytib kelishi va kelajakdagi Xudoning Yerdagi saltanati haqidagi tasavvurlarga ega. Inson taqdirining oldindan belgilanganligi haqidagi gʻoyani tan olmaydilar. Ularning fikriga koʻra, inson erkin irodaga ega.

Adabiyotlar

• Najmiddinov J., Karimov J., Turdiyeva D.. Dinshunoslik. Qomusiy lugʻat. Imom Buxoriy xalqaro markazi nashriyoti, 2017 — 480-bet. ISBN 978-9943-5105-3-1.