Miftaxetdin Kamaletdinovich Akmulla (boshqirdcha: Аҡмулла, qozoqcha: Ақмолла, tatarcha: Акмулла, 1831.14.12 Ufa gubernyasi, Tusanbay qishlogʻi — 1895.21.10) — boshqird maʼrifatparvar shoiri; tatar va qozoq adabiyoti namoyandasi. Turkiy tilda, jumladan, qozoq tilida sheʼrlar ijod qilgan. Sheʼrlarida oddiy insonni madh etadi, xalqni bilim olish va hunar oʻrganishga chaqiradi, adolat hamda oqillikni ulugʻlaydi. 1904-yilda alohida sheʼriy toʻplami nashr etilgan. Shoir nomi („Akmulla“) bilan 1911-16 yillarda hajviy jurnal nashr etilgan.
