Musa Jalil

Musa Jalil
tatarcha: Муса Җәлил, Musa Cəlil, موسى ﺟليل‎
Tavalludi	1906-yil 15-fevral Rossiya imperiyasi
Vafoti	1944-yil 25-avgust Uchinchi reyx
Fuqaroligi	Rossiya Imperiyasi, Russian Socialist Federative Soviet Republic va SSSR

Musa Jalil (asl ism-sharifi Jalilov Muso Mustafoyevich; 1906-yil 15-fevral, Orenburg guberliyasi Mustafin qishlogʻi–1944-yil 25-avgust, Berlin) — tatar shoiri. Tatar opera va balet teatri asoschilaridan biri. Orenburg shahridagi „Husayniya“ madrasasida oʻqigan. 1922-yilda Qozon shahriga kelib, Tatar ishchi-yoshlar maktabida taʼlim olgan. Moskva universitetining adabiyot fakultetini tugatgan (1931). Moskvada chiqqan „Kichkina oʻrtoqlar“ („Kechkene ip-teshler“) nomli tatar jurnal muharriri (1927). Tatariston yozuvchilar uyushmasi raisi (1939–1941). 1942-yilning iyun oylarida fashizmga qarshi kurashda gitlerchilar qoʻliga tushib, Berlindagi Maobit qamoqxonasiga tashlangan va Plet-senze harbiy qamoqxonasida qatl etilgan (1944-yil 25 avgust). Musa Jalilning mashhur „Maobit daftari“ (1942–1944) sheʼrlar turkumi shu konslagerda yozilgan. „Oʻrtoqlar“ (1929) sheʼrlar toʻplami, „Xat tashuvchi“ (1940) dostoni, „Oltin soch“ (1941), „Eldor“ (1941) opera librettolari, „Okopdan xat“ (1946) kitobi va boshqa asarlar muallifi. „Maobit daftari“ sheʼrlar turkumi oʻzbek tiliga tarjima qilingan (1956).