Oʻzbekiston yoshlari umumjahon assotsiatsiyasi

Oʻzbekiston yoshlari umumjahon assotsiatsiyasi yoki WAYU Inglizcha: World Association of Youth of Uzbekistan, ruscha: Всемирная ассоциация молодёжи Узбекистана — xorijda oʻqib, ishlayotgan yoki chet elga migratsiya qilish istagidagi Oʻzbekiston yoshlarini qoʻllab-quvvatlash, ularning huquq va qonuniy manfaatlarini himoya qilish maqsadida tashkil etilgan, 26 ta davlatda vakillariga ega yoshlar tashkiloti. Xorijiy vakolatxonalar har bir mamlakatda 1 ta vakil va bir nechta koordinatorlardan iborat.

WAYU bosh idorasi O'zbekistonning Toshkent shahrida joylashgan. Assotsiatsiya har yili vakolatxonalari boʻlgan mamlakatlarda Yoshlar forumi va yoshlarni qoʻllab-quvvatlashga qaratilgan boshqa tadbirlarni oʻtkazadi. Assotsiatsiya yoshlar va Oʻzbekiston hukumati oʻrtasida muntazam ochiq muloqotlar va suhbatlar tashkil etadi.

Tarixi

2017-yil 22-dekabrda Oʻzbekiston Respublikasi Oliy Majlisiga Murojaatnomasida Oʻzbekiston yoshlar ittifoqi tomonidan “Oʻzbekiston yoshlari umumjahon assotsiatsiyasi” nodavlat notijorat tashkiloti hukumat qarori bilan tashkil etilgan. 2019-yil 5-avgustda “Oʻzbekiston yoshlari umumjahon assotsiatsiyasi faoliyatini qoʻllab-quvvatlash va samaradorligini oshirish chora-tadbirlari toʻgʻrisida”gi qarori qabul qilindi. Hujjat assotsiatsiya faoliyatini qoʻllab-quvvatlash va samaradorligini oshirish boʻyicha chora-tadbirlar dasturini oʻz ichiga olgan. Muassasaning asosiy vazifalaridan biri xorijga oʻqish yoki ishlash uchun ketgan oʻzbekistonlik yoshlarni qoʻllab-quvvatlashdan iborat.

Tashkilot asosiy maqsad va vazifalari

Oʻzbekiston yoshlari umumjahon assotsiatsiyasining asosiy maqsad va vazifalari quyidagilardan iborat:

• Oʻzbekiston yoshlarining xorijdagi muammolari va intilishlarini tegishli tashkilotlar bilan hamkorlikda umumlashtirish va tahlil qilish;
• Xorijda oʻqish va (yoki) ishlashni rejalashtirayotgan Oʻzbekiston yoshlari uchun metodikalar tayyorlash;
• Xorijda istiqomat qilayotgan barcha Oʻzbekiston yoshlari toʻgʻrisidagi ma’lumotlar bazasini yaratish hamda ular bilan aloqalarni yoʻlga qoʻyish;
• O'zbekistonda amalga oshirilayotgan davlat ahamiyatiga molik loyihalarga xorijda yashovchi malakali mutaxassislarni jalb etish, shuningdek, yosh mutaxassislarni vazirliklar, idoralar va oliy ta’lim muassasalari faoliyatiga tanlov asosida jalb etish;
• Oʻzbekistonlik xorijdagi yoshlarni, ularning manzillari, ta’lim muassasalari, korxona va tashkilotlarning telefon raqamlari toʻgʻrisidagi ma’lumotlar bazasini shakllantirish;
• Internet tarmogʻlarda veb-portallar, ijtimoiy tarmoqlarda sahifalar yaratish hamda chet elga chiqish yoki sayohat qilishni rejalashtirayotgan yoshlar uchun xizmatlar va tavsiyalar berish;
• Oʻzbekiston yoshlari eng koʻp istiqomat qiladigan davlatlardagi Oʻzbekiston diplomatik vakolatxonalari bilan uyushma faoliyatini tashkil etish;
• Xorijda yashayotgan Oʻzbekiston yoshlarini Oʻzbekiston tarixi, madaniyati, oʻzbek tili va adabiyoti haqida ma’lumotlar bilan tanishtirish.
• Taniqli shaxslar bilan uchrashuvlar, bayramlar, festivallar va adabiy kechalar tashkil etish orqali xorijda istiqomat qilayotgan vatandoshlar uchun sogʻlom turmush tarzini targʻib qilish;
• Xorijdagi yoshlarni Oʻzbekistonda amalga oshirilayotgan islohotlar, qabul qilinayotgan amaldagi me’yoriy-huquqiy hujjatlar, qulay ishbilarmonlik muhiti va yaratilayotgan ish oʻrinlari haqida xabardor qilish;
• Vatandoshlarni moslashtirish, tarixiy vataniga qaytarish, shuningdek, jamiyatda oʻz oʻrnini topishiga koʻmaklashish;
• Yoshlarni turli tahdidlardan (ekstremizm, terrorizm, uyushgan jinoyatchilik, odam savdosi va boshqalar) himoya qilish boʻyicha maqsadli chora-tadbirlar, noqulay sharoitlarga tushib qolgan yoki bunday holatlar qurboni boʻlgan yosh vatandoshlarga huquqiy va psixologik yordam koʻrsatish;
• Oliy darajadagi safarlar, shuningdek, boshqa xizmat safarlari chogʻida davlat organlari vakillarining uyushmaning xorijdagi vakolatxonalari faollari bilan uchrashuvlarini tashkil etish.

Vakillari

Leadership

Muddati	Rais
2017–2019	Murodilla Alimboyev
2019–2020	Nozima Ruzimetova
2020–2021	Rakhmatjon Umarov
2021–2022	Dilfuza Yuliyeva
2022-2022	Istam Khamroev
2022-2023	Nilufar Kiyamova
2023- hozirgi vaqtgacha	Otabek Shavkatov

Tashkilot xorijdagi vakillari

Muddati	Ism sharifi	Lavozimi	Davlati
Hozirda	Bediev Kamoliddin Asomiddinovich	Vakil	Germaniya
Hozirda	Timur Mirzayev	Koordinator	Kanada
Hozirda	Davlatjon Tojiboyev	Vakil	Rossiya
Hozirda	Xumoyun To'rayev	Vakil	AQSH
Hozirda	Yelena Chuyanova	Vakil	Janubiy Koreya
Hozirda	Jumaev Ergash	Vakil	Turkiya
Present	Khasanov Jurabek Khurshidovich	Vakil	Yaponiya
Hozirda	Rakhmanov Abrorjon Khasanovich	Vakil	Belarusiya
Hozirda	Nasibullina Kamila Khamzaevna	Koordinator	Belgiya
Hozirda	Ashurbekov Bekzod Erkinboy o'g'li	Vakil	Birlashgan Qirollik
Hozirda	Umarov Diyor	Koordinator	Birlashgan Qirollik
Hindiston	Ahmedjanov Sunnatjon Sunatilloyevich	Vakil	Latviya
Hozirda	Farhod Okhunjonov	Vakil	Malayziya
Hozirda	Usmonxonov Ulug'bek Iftixorjon o'g'li	Vakil	Xitoy
Hozirda	Ganiyev Farhod	Vakil	Qozog'iston
Hindiston	Radjabov Jaloliddin Juraqulovich	Vakil	Hindiston

Xayriya loyihalari

Oʻzbekiston yoshlari umumjahon assotsiatsiyasi xorijda istiqomat qilayotgan yoshlarni qoʻllab-quvvatlash maqsadida “Musofir” xayriya loyihasini tashkil etgan. WAYU har yili “Musofir” xayriya marafoniga mezbonlik qiladi. Marafon xorijda ta’lim olayotgan va mehnat qilayotgan vatandoshlari hayotiga befarq boʻlmagan barcha yoshlarni chorlaydi. Loyiha xayriya qilingan mablag'larni xorijda muhtoj bo'lgan o'zbekistonlik vatandoshlarga yordam berish uchun tarqatadi.