Oltin globus
| Golden Globe Award | ||
|---|---|---|
| ||
| Mamlakat | AQSh | |
| Holati | topshiriladi | |
| Statistika | ||
| Birinchi taqdirlash | 1944-yil 20-yanvar | |
| Navbat | ||
| Toʻngʻich mukofot | Akademiya (Oscar) | |
Oltin globus mukofoti (inglizcha: Golden Globe Award) – 1944-yildan beri Hollywood tashqi matbuot assotsiatsiyasi(HFPA) tomonidan filmlar va televizion filmlardagi faoliyati uchun beriladigan mukofot. Oltin globus laureatlari har-yili yanvar oyida Hollywoodda yashaydigan 90 ga yaqin xalqaro jurnalistlarning ovoz berishi bilan aniqlanadi. Film sanoatida, u Akademiya (Oscar) mukofotidan keyin ikkinchi eng nufuzli mukofot hisoblanadi.
Tarixi
[tahrir | manbasini tahrirlash]Mukofotga 1944-yil 20-yanvarda asos solingan. Film va televideniya yutuqlariga mustaqil va xolis baho berilishiga qaramay „Oltin globus“ „Oscar mukofoti koʻrsatkichi“ ga aylandi. „Oscar“ mukofotiga sazovor boʻlgan filmlarning uchdan ikki qismidan koʻprogʻi ilgari „Oltin globus“ mukofotiga sazovor boʻlgan filmlar hisoblanadi.
Marosimning birinchi telekanallarda namoyishi 1958-yilda boʻlib oʻtgan, ammo 1963-yilgacha, faqat Los-Anjeles televideniyasi tomoshabinlari marosimni televideniyada tomosha qilishgan.
Birinchi rasmiy „Oltin globus“ mukofotlari marosimi 1954-yilda „Century Fox“ da boʻlib oʻtgan. Shundan soʻng, mukofot har-yili oʻtkaziladigan maqomga ega boʻldi va uni taqdim etish marosimi keyingi oʻn yillikda turli joylarda oʻtkazildi.
Odatda taqdirlash marosimi Hollywood tashqi matbuot assotsiatsiyasi(HFPA)ga tegishli jurnalistlar tomonidan oʻtkazilardi. Biroq, 1958-yildagi marosimda Frank Sinatra , Din Martin va Sammy Devis Jr. sahnaga chiqishdi. Tomoshabinlarga ularning chiqishlari shu qadar yoqdiki, keyingi-yil ham marosimni olib borish ularga topshirildi.
1963-yilda Miss Golden Globe mukofoti joriy etildi. Oʻsha yili Eva Six va Donna Duglas tegishli ravishda film va televideniya ishlariga qoʻshgan hissalari uchun birinchi marotaba bu mukofotni oldilar.
Hozirgi kunda mukofot laureatlari ovoz berish yoʻli bilan aniqlanadi, ovoz beruvchilar Hollywood tashqi matbuot assotsiatsiyasi(HFPA)ning aʼzolari boʻlgan yuzdan ortiq jurnalistlar hisoblanadi.
2006-yil boshida Hollywood tashqi matbuot assotsiatsiyasi eng yaxshi animatsion film uchun mukofot taʼsis etish toʻgʻrisida qaror qabul qildi. Birinchi mukofot 2007-yilda Oltin globusning 64-marosimida „Avtomobillar“ animatsion filmiga taqdim etilgan.