Oraziy
| Oraziy | |
|---|---|
| Tavalludi |
Alixon Mullaoxun oʻgʻli 1867-yil |
| Vafoti | 1942-yil |
| Taxallusi | Oraziy |
| Ijod qilgan tillari | Oʻzbek tili |
| Janr | Gʻazal, muxammas, murabba, ruboiy |
Oraziy (taxallusi; asl ismi: Alixon Mullaoxun oʻgʻli; 1867-yil, Namangan — 1942-yil) — shoir, oʻqituvchi va kotib.
Hayoti
[tahrir | manbasini tahrirlash]Alixon Mullaoxun oʻgʻli Oraziy 1867-yilda Namanganda dindor oilada tugʻilgan. Dastab rus-tuzem maktabida, soʻng madrasada tahsil olgan. Maktabda oʻqituvchilik, jamoat tashkilotlarida kotib boʻlib faoliyat yuritgan. Hayratiy, Zavqiy, Muqimiy va Furqat kabi shoirlar izidan yurib sheʼrlar yozgan. Uning gʻazal, muxammas, murabba va ruboiylari Fargʻona vodiysidagi roʻznomalarda muntazam nashr etilgan. Oraziyning „Oʻqi“, „Ilm“ va „Roʻzgʻor oynasi“ nomli sheʼrlarida ilm-maʼrifat, hurriyat va kasb-hunar mavzulari targʻib etilgan. Shoir 1942-yilda vafot etgan. Oʻzbekiston badiiy adabiyot nashriyoti 1959-yilda Oraziyning tanlangan asarlarini nashr etgan[1].
Abadiyotlar
[tahrir | manbasini tahrirlash]- Oraziy. Tanlangan asarlar. Toshkent: „Oʻzbekiston badiiy adabiyot“ nashriyoti, 1959.
Manbalar
[tahrir | manbasini tahrirlash]- ↑ Hamidjon Xomidiy; Mahmud Hasaniy. Mashriqzamin hikmat boʻstoni. Toshkent: „Sharq“ nashriyotmatbaa konserni, 1997-yil — 251-bet.
Havolalar
[tahrir | manbasini tahrirlash] |
Vikiiqtibosda Oraziyga tegishli iqtiboslar mavjud. |
 |