Paramaribo
Paramaribo — Surinam poytaxti. Surinam daryosining chap sohilida. Iqlimi subekvatorial, yanvarning oʻrtacha temperaturasi 26°, avgust niki 29°. Yillik yogʻin 2250 mm. Aholisi 213 ming kishi (2000). Temir yoʻl stansiyasi, avtomobil yoʻllari tuguni. Aeroport bor. Mamlakatning muhim porti (chetga boksit, yogʻoch, sha-kar, rom, sholi, sitrus mevalar chiqariladi). Oziq-ovqat va yogʻochsozlik sanoati korxonalari; universitet, muzey, botanika bogʻi bor. Shaharga 1640-yilda indeyslar qishlogʻi oʻrnida fransuzlar tomonidan asos solingan. 1975-yildan mustaqil Surinam poytaxti.[1]
Manbalar
[tahrir | manbasini tahrirlash] | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 |