Kontent qismiga oʻtish

Pavel Golishev

Vikipediya, ochiq ensiklopediya
Pavel Golishev
Golyashev with Tom Tomsk in 2017
Shaxsiy maʼlumot
Toʻliq ismi Pavel Sergeyevich Golishev
Tavallud sanasi 7-iyul 1987-yil (1987-07-07) (37 yosh)
Tavallud joyi Moskva, USSR
Boʻyi 1.77 m (5 ft 9 1⁄2 in)
Ampluasi Hujumchi/Yarim himoyachi
Professional faoliyati*
Yillar Jamoa Isht. (Gol.)
2005–2009 Moskva 28 (3)
2010 Spartak Moskva 1 (0)
2010 → Alania Vladikavkaz (ijara) 0 (0)
2011 Tom Tomsk 25 (8)
2012 Krasnodar 11 (2)
2012–2015 Tom Tomsk 77 (16)
2015 Tosno 23 (4)
2016–2017 Tom Tomsk 29 (1)
2017 Krylia Sovetov Samara 2 (0)
2018 Baltika Kaliningrad 8 (0)
2018 Luch Vladivostok 9 (0)
2019 Nizhny Novgorod 31 (2)
2020 Navbahor Namangan 11 (0)
2021–2023 Rosich Moskovsky (havaskorlar) 54 (55)
Milliy terma jamoa
2007–2009 Rossiya U21 3 (0)
2011 Rossiya-2 1 (0)
*Professional klublardagi gollari (ichki chempionat)

Pavel Sergeyevich Golishev (1987-yil 7-iyul, Moskva, SSSR) — rossiyalik futbolchi, „Rosich“ klubi oʻyinchisi. Yarim himoyachi va hujumchi sifatida oʻynab keladi. Dmitriy Golishevning ukasi.

Faoliyati

[tahrir | manbasini tahrirlash]

Klublardagi faoliyati

[tahrir | manbasini tahrirlash]

Murabbiy Leonid Slutskiy Golishevni „Moskva“ futbol klubining asosiy jamoasiga jalb qila boshlagan[1]. Golishev Rossiya chempionatidagi debyutini 2005-yil 6-noyabrda „Shinnik“ ga qarshi oʻyinda oʻtkazgan boʻlib, 90-daqiqada zaxiradan maydonga tushgan. „Moskva“ ning asosiy tarkibidagi ilk oʻyinini esa 2007-yilda „Ximik“ bilan oʻtkazgan. Yillar davomida shaharliklar tarkibida jamoaning asosiy tarkibidan joy ololmaydi. Bunga baʼzilar futbolchining mashgʻulotlarda yetarlicha oʻyin koʻrsatmayotgani sabab boʻlgan deb koʻrsatishadi[2].

Golishev „Tom“ klubida

„Moskva“ 2010-yilgi Rossiya chempionatidan chiqib ketgandan soʻng, Golishev erkin agent maqomini olgan va 2010-yil 16-martda Moskvaning „Spartak“ klubi bilan shartnoma imzolagan[3]. 7-may kuni „Anji“ bilan oʻyinda (3:0) debyut qilgan. 20-avgust kuni „Alaniya“ ga olti oylik ijaraga berilgan[4], ushbu klub bilan 22-sentyabr kuni Rossiya kubogi doirasidagi yagona oʻyinni oʻtkazgan.

2011-yil 8-yanvarda „Tom“ bilan 3,5 yillik shartnoma imzolagan[5].

Golishevning yangi klubidagi debyuti 20 mart kuni Krasnodarning „Kuban“ jamoasi bilan uy uchrashuvida (0:1) boʻlib oʻtgan. Jamoadagi birinchi golini 2011—2012-yilgi Rossiya chempionatining 5-turida mehmonda „Spartak-Nalchik“ ga urgan. Bu gol Tomsk jamoasi uchun mavsumdagi birinchisi boʻlgan va birinchi gʻalabani qoʻlga kiritishga yordam bergan. 1-may kuni 7-turda mehmonda „Amkar“ darvozasiga ikkita gol urgan. Ikki hafta oʻtgach, 9-turda yana dubl qayd etgan va bu jamoaga „Krasnodar“ bilan mehmonda durangga olib kelgan. 10-turda Zenit darvozasiga gʻalaba toʻpini kiritgan. Keyingi 6 uchrashuvda esa gol ura olmagan. 23-iyul kuni Kuban bilan oʻyinda mavsumdagi uchinchi dublni qayd etgan va „Tom“ ga 3:1 hisobida gʻalaba keltirgan. 2011-yilda gol ura olmagan.

2012-yilning qishida Golishev klubdagi moliyaviy inqiroz tufayli „Tom“ klubini erkin agent sifatida tark egan va 16-yanvar kuni „Krasnodar“ bilan shartnoma imzolagan[6] . 2012-yil bahorida 10 ta oʻyinda qatnashib, ikkita: „Rostov“ va „Tom“ darvozalariga gol kiritgan. Yangi mavsumda Golishev „Krasnodar“ tarkibida bitta oʻyinda maydonga tushgan va 6-sentyabr kuni „Tom“ ga qaytib, 2015-yilgacha shartnoma imzolagan[7].

Tomskga qaytgandan keyin birinchi oʻyin 10-sentyabr kuni „Yenisey“ ga qarshi oʻtkazilgan. 2012-yil 22-oktabrda qaytganidan keyin Belgorodning „Salyut“ darvozasiga birinchi golini kiritgan. Ushbu oʻyin bilan Golishev gol urgan olti oʻyinlik seriyasini boshladi. 2012—2013-yilgi mavsum yakunida jamoa bilan oliy ligaga oʻtgan. 2013—2014-yilgi mavsumda jamoaning asosiy oʻyinchisi boʻlgan, ammo pley-off natijalariga koʻra „Tom“ yana FNLga tushib ketgan. 2014—2015-yilgi mavsumda „Tom“ da faoliyatini davom ettirgan va FNL chempionatida sakkizta gol urgan.

2015-yil 25-iyunda Golishev „Tosno“ klubi bilan bir yillik shartnoma imzolagani maʼlum boʻlgan, ammo olti oydan keyin yana „Tom“ ga qaytib, 1,5 yillik shartnoma imzolagan. FNL chempionatida 23 ta oʻyinda qatnashgan va toʻrtta gol urgan. 2015—2016-yilgi mavsumning ikkinchi qismida 13 uchrashuvda maydonga tushib, bitta gol urgan.

2017-yilning 17-iyun kuni Golishev „Krilya Sovetov“ klubi bilan shartnoma imzolagan. Samara jamoasida 2017-yilning 27-iyulida „Tom“ga qarshi oʻyinda debyut qilgan. Uchta oʻyin oʻtkazgandan soʻng, 2018-yilning qishida oʻzaro kelishuvga binoan shartnomani bekor qilgan va „Baltika“ klubi bilan shartnoma imzolagan[8].

2018-yilning avgustiga qadar erkin agent maqomida boʻlgan va 31-avgust kuni „Luch“ klubi bilan shartnoma imzolagan. 2019-yil 22-fevralda Nijniy Novgorodga oʻtgan.

2021-yil 11-aprel kuni „Rosich“ havaskorlar klubining Moskva futbol chempionatida ishtirok etishi eʼlon qilingan[9].

Golishev ilk bor Rossiya yoshlar terma jamoasiga 2007-yilning sentyabr oyida Polsha bilan oʻyinga chaqirilgan[10] . Shundan soʻng muntazam ravishda jamoaga chaqirilardi, lekin atigi 3 ta oʻyin oʻtkazib, maydonga kam tushardi.

2011-yil 10-avgustda Rossiyaning ikkinchi jamoasiga Rossiya yoshlar terma jamoasiga qarshi oʻrtoqlik oʻyiniga chaqirilgan. Shuningdek, ikkinchi jamoaning Belarus olimpiya terma jamoasiga qarshi ikkinchi oʻrtoqlik oʻyiniga chaqiruv olgan[11].

Yutuqlari

[tahrir | manbasini tahrirlash]
Golishev Moskvaning „Spartak“ jamoasidagi yagona oʻyinida
„Moskva“
  • Rossiya kubogi finalchisi: 2006—2007
„Alaniya“
  • Rossiya kubogi finalchisi: 2010—2011
„Tom“
  • FNL chempionati vitse-chempioni: 2012—2013
  • FNL chempionati bronza medali sovrindori: 2015—2016
„Rosich“
  • Moskva chempioni (LFC): 2021, 2022
  • „Tom“ klubining 2011—2012-yilgi mavsumdagi eng yaxshi toʻpurari
  • „Tom“ ning eng yaxshi futbolchisi: 2014—2015

Manbalar

[tahrir | manbasini tahrirlash]
  1. ↑ Лысенко, Олег. „Голеадор Голышев“ (ru). Чемпионат.com (2011-yil 9-iyun). 2012-yil 20-martda asl nusxadan arxivlangan. Qaraldi: 2011-yil 24-iyul.
  2. ↑ „Геннадий Костылев: «Голышев может заиграть в основном составе «Москвы», если поработает над самоотдачей»“ (ru). Sports.ru (2009-yil 15-may). 2012-yil 20-martda asl nusxadan arxivlangan. Qaraldi: 2011-yil 24-iyul.
  3. ↑ „«Спартак» заключил контракт с Голышевым“ (ru). Чемпионат.com (2010-yil 16-mart). 2013-yil 14-dekabrda asl nusxadan arxivlangan. Qaraldi: 2011-yil 24-iyul.
  4. ↑ „Голышев отдан в аренду «Алании»“ (ru). Официальный сайт ФК «Спартак» Москва (2010-yil 20-avgust). 2012-yil 20-martda asl nusxadan arxivlangan. Qaraldi: 2011-yil 24-iyul.
  5. ↑ „Пополнение в «Томи»“ (ru). Официальный сайт ФК «Томь» (архив) (2011-yil 9-yanvar). 2012-yil 20-martda asl nusxadan arxivlangan. Qaraldi: 2011-yil 24-iyul.
  6. ↑ „Игроком «Краснодара» стал Павел Голышев“ (ru). Официальный сайт ФК «Краснодар» (2012-yil 16-yanvar). 2012-yil 19-oktyabrda asl nusxadan arxivlangan. Qaraldi: 2012-yil 7-sentyabr.
  7. ↑ „«Томь» заявила шесть игроков“ (ru). Официальный сайт ФК «Томь» (2012-yil 6-sentyabr). 2012-yil 19-oktyabrda asl nusxadan arxivlangan. Qaraldi: 2012-yil 7-sentyabr.
  8. ↑ „Голышев перешел из «Крыльев» в «Балтику»“ (ru). Sports.ru (2018-yil 10-yanvar). 2018-yil 2-fevralda asl nusxadan arxivlangan. Qaraldi: 2018-yil 1-fevral.
  9. ↑ „Московская федерация футбола. Голышев Павел Сергеевич“ (ru). ФК Росич (2020-yil 23-sentyabr). 2021-yil 14-iyunda asl nusxadan arxivlangan. Qaraldi: 2020-yil 26-sentyabr.
  10. ↑ „В составе молодёжной сборной России перед матчем с Польшей произошли изменения“ (ru). Sports.ru (2007-yil 3-sentyabr). 2012-yil 20-martda asl nusxadan arxivlangan. Qaraldi: 2011-yil 24-iyul.
  11. ↑ „Три игрока «Томи» вызваны в сборные России“ (ru). Официальный сайт ФК «Томь» (2011-yil 19-avgust). 2012-yil 20-martda asl nusxadan arxivlangan. Qaraldi: 2011-yil 19-avgust.

Havolalar

[tahrir | manbasini tahrirlash]
"https://uz.wikipedia.org/w/index.php?title=Pavel_Golishev&oldid=5324898" dan olindi