Pip (dasturiy paket menejeri)

pip

pip --help buyrugʻining natijasi
Asl muallif(lar)	Ian Bicking
Dastlabki foydalanishga chiqarilishi	4-aprel, 2011-yil (2011-04-04)
Repozitoriy
Yozilgan dasturlash tili	Python
Platforma	Python
Turi	Dasturiy paket menejeri
Litseziyasi	MIT litsenziyasi
Veb sayt	pip.pypa.io

Pip – Python dasturlash tilida yozilgan dasturiy paket menejeri boʻlib, dasturiy paketlarni oʻrnatish va boshqarish uchun foydalaniladi. Python Software Foundation hamjamiyati Python ilovalarini ishlab chiqishda pipdan foydalanishni tavsiya qiladi. Pip menejeri Python Package Index onlayn repozitoriyasiga ulanadi. Pip boshqa dasturiy taʼminot repozitoriyalariga faqatgina Python Enhancement Propasal 503 (PEP) standartlari orqali ulanishi mumkin.

Tarixi

Dastlab Pip menejeri pyinstall nomi bilan 2008 yilda Ian Bicking (virtualenv dasturchisi) tomonidan EasyInstall paket menejeriga muqobil dastur sifatida ishlab chiqildi. Ushbu dastur nomi „Pip Installs Packages“ nomining qisqartma shakli sifatida olingan. 2011-yilda Python Packaging Authority(PyPA) tashkiloti Carl Meyer, Brian Rosner va Jannis Leidel boshchiligida pip va virtualenv paket menejerlariga texnik xizmat koʻrsatishni boshladi.

pip 6.0 versiyadan boshlab, paket menejeri versiyalari „X.Y“ formatda nomlanadigan boʻldi.

Buyruqlar qatori interfeysi

pip install virtualenv buyrugʻining natijasi

Pipning dasturiy interfeysi pip install some-package-name buyrugʻini ishga tushirish orqali Python dasturiy paketlarini oʻrnatadi.

Foydalanuvchilar quyidagi buyruqni berish orqali dasturiy paketni olib tashlashlari ham mumkin:

pip uninstall some-package-name

Python tilining muayyan versiyasi uchun paketlarni oʻrnatish quyidagi pip buyrugʻini berish orqali amalga oshiriladi, bunda ${version} nomi 2, 3, 3.4 va shu kabi raqamlar bilan almashtiriladi:

pip${version} install some-package-name .

setup.py oʻrnatish fayli

Pip loyihalardan lokal tarmoqda foydalanish uchun setup.py fayli bilan oʻrnatish imkonini beradi. Bunda python loyihasi quyidagi fayl tuzilishiga ega boʻlishini talab qiladi:

example_project/

├── exampleproject/      Python manba kodi paketi

|    ├── __init__.py     Jildni dasturiy paket ichiga koʻchiradi

|  └── example.py      Namunaviy modul

└── README.md            Loyiha haqidagi maʼlumotlar.

Ushbu strukturada foydalanuvchi setup.py faylini loyihaning boshiga qoʻsha oladi va u quyidagi tarkibga ega boʻladi:

from setuptools import setup, find_packages

setup(
  name='example', # Paket nomi. Qachonki loyiha paket sifatida import qilinganda foydalaniladi.
  version='0.1.0', #Versiya raqami
  packages=find_packages(include=['exampleproject', 'exampleproject.*']) # Pip kerakli komponentlarni avtomatik o'rnatadi.
)

Shundan soʻng, pip menejeri ushbu loyihani bosh papkadan quyidagi buyruqni ishga tushirish orqali oʻrnatadi: pip install -e.

Boshqa repozitoriyalar

Pip menejeri standart PyPI repozitoriyasidan tashqari boshqa repozitoriylarni ham qoʻllab-quvvatlaydi. Bunday repozitoriya HTTP(s) URL manzilida yoki kompyuter fayl tizimida joylashgan boʻlishi kerak. Uchinchi tomon repozitoriyalari -i yoki --index-url option buyruqlarini berish yordamida aniqlanadi. Misol uchun:

pip install -i https://your-custom-repo/simple <package name>

yoki fayl tizimi orqali:

pip install -i /path/to/your/custom-repo/simple <package name>.

Yana qarang

• Pipenv
• Python Poetry
• Python Packaging Authority