Pyotr Sevastyanov
| Pyotr Sevastyanov | |
|---|---|
| Tavalludi |
31-dekabr 1887-yil Tula viloyati, Rossiya imperiyasi |
| Vafoti |
6-may 1942-yil Toshkent, SSSR |
| Fuqaroligi |
 Rossiya imperiyasi  SSSR |
| Xizmatdagi yillari |
SSSR 1918–1942 |
Pyotr Andreyevich Sevastyanov (1887-yil 31-dekabr – 1942-yil 6-may) – sovet harbiy rahbari, Birinchi jahon urushi, fuqarolar urushi (Sharqiy front, Moʻgʻuliston ekspeditsiyasi) va Ulugʻ Vatan urushi qatnashchisi. Tank kuchlari general-mayori (1940).
Biografiyasi
[tahrir | manbasini tahrirlash]Pyotr Andreyevich 1887-yil 31-dekabrda Tula viloyati, Krapivenskiy tumani, Doljanskiy viloyatining Dolgoye qishlogʻida tavallud topgan (Kireyevskiy tumani, Tula viloyati)[1].
Pyotr 1903-yil Tula shahar maktabining 4 sinfini, 1908-yil Tula diniy seminariyasining 4 sinfini tugatgan[1].
Maʼlumoti: 1915-yilda Chuguyev harbiy bilim yurtini, KUVNAS qoshidagi M. V. Frunze nomidagi Harbiy akademiyani tamomlagan.
Qizil Armiyadagi xizmati
[tahrir | manbasini tahrirlash]Sevastyanov 1921-yil fevraldan 35-piyoda diviziyasining 312-piyoda polkida va 1922-yil oktyabrdan xuddi shu diviziyaning 104-piyoda polkida komandir boʻlib xizmat qilgan (Irkutsk). 1923-yil iyuldan 35-piyoda diviziyasi komandirining yordamchisi boʻlgan.
1923-yil sentyabrdan 81-piyoda diviziyasi (Kaluga) qoʻmondoni yordamchisi va 1924-yil dekabrdan 84-piyoda diviziyasi (Tula) komandirining yordamchisi boʻlib faoliyat olib borgan.
Pyotr Andreyevich 1925-yil sentyabrdan 1926-yil avgustgacha Oliy qoʻmondonlik kadrlari malakasini oshirish kursi tahsil olgan.
1926-yil avgustdan 84-piyoda diviziyasi (Tula) komandirining yordamchisi boʻlib xizmat qilgan[2].
Sevastyanov 1933-yil 29-martdan (va 1940-yil aprel) I. V. Stalin nomidagi Harbiy mexanizatsiya va motorizatsiya akademiyasida ABTV taktika kafedrasi oʻqituvchisi boʻlib ishlagan[3].
Pyotr vafot etganida I. V. Stalin nomidagi Harbiy mexanizatsiya va motorizatsiya akademiyasi taktika kafedrasi mudiri edi[1]. 1942-yil 6-mayda Toshkentda tifdan vafot etgan.
Mukofotlari
[tahrir | manbasini tahrirlash]Sevastyanov Qizil Bayroq ordeni hamda 1938-yida „Ishxhi-Dehqon Qizil Armiyaning XX yilligi“ medali bilan taqdirlangan.
Xotirasi
[tahrir | manbasini tahrirlash]Pyotrning qabri ustiga qabr toshi oʻrnatilgan.
Jangchi nomi Rossiya Qurolli Kuchlarining Bosh ibodatxonasida abadiylashtirilgan va „Doroga pamyati“ yodgorligida abadiy muhrlangan[4].
Manbalar
[tahrir | manbasini tahrirlash]- ↑ 1,0 1,1 1,2 „Севастьянов Пётр Андреевич“. Танковый фронт: 1939—1945. 2022-yil 3-oktyabrda asl nusxadan arxivlangan. Qaraldi: 2023-yil 21-yanvar.
- ↑ „Постановление СНК СССР № 945 от 04.06.1940“. 2015-yil 11-dekabrda asl nusxadan arxivlangan. Qaraldi: 2023-yil 21-yanvar.
- ↑ „СЕВАСТЬЯНОВ Пётр Андреевич(1887-1942)“. 2023-yil 21-yanvarda asl nusxadan arxivlangan. Qaraldi: 2023-yil 21-yanvar.
- ↑ „«Дорога памяти»“. 2023-yil 9-yanvarda asl nusxadan arxivlangan. Qaraldi: 2023-yil 21-yanvar.