Qozogʻiston Mustaqillik kuni
16-dekabr Qozogʻiston Mustaqillik kuni (qozoqcha: Тәуелсіздік күні) — Qozogʻiston Respublikasining milliy bayrami boʻlib, har yili Qozogʻistonda 16-17-dekabr kunlari tantana qilinadi[1].
16-dekabr — Qozogʻiston Mustaqillik kuni Qozogʻiston respublikasining asosiy va yagona milliy bayrami hisoblanadi. Qozogʻiston Respublikasining „Bayramlar toʻgʻrisida“gi qonuniga muvofiq Qozogʻiston bayramlari bir necha turlarga boʻlinadi. Mamlakatda milliy bayramlar, davlat bayramlari, kasbiy va boshqa bayramlar nishonlanadi.
Milliy bayramlar — Qozogʻiston Respublikasida belgilangan bayramlar boʻlib, qozoq davlatchiligi rivojiga muhim taʼsir koʻrsatgan hamda alohida tarixiy ahamiyatga ega boʻlgan voqealarni nishonlash maqsadida belgilangan bayramlardir. Milliy bayramlarni nishonlash markaziy va mahalliy davlat hokimiyati organlarida rasmiy tadbirlar oʻtkazish bilan birga olib boriladi.
Tarixi
[tahrir | manbasini tahrirlash]Qozogʻiston Respublikasi Oliy Kengashining 1991-yil 16-dekabrdagi 1008-XII-sonli „Qozogʻiston Respublikasining Davlat mustaqilligi toʻgʻrisida“gi konstitutsiyaviy qonuni qabul qilindi[2].
Qonunning muqaddimasida shunday deyiladi: "Qozogʻiston Respublikasi Oliy Kengashi Qozogʻiston xalqining irodasini ifodalagan holda, shaxsning Inson huquqlari umumjahon deklaratsiyasida mustahkamlangan huquq va erkinliklari ustuvorligini, xalqaro huquqning boshqa umumeʼtirof etilgan meʼyorlarini eʼtirof etib, fuqarolik jamiyati va huquqiy davlat yaratish, tinchliksevar tashqi siyosat yuritish, yadro qurolini tarqatmaslik hamda qurolsizlanish tamoyiliga sodiqligini eʼlon qilish qaroriga asoslangan qozoq xalqining oʻz taqdirini oʻzi belgilash huquqini tasdiqlagan holda Qozogʻiston Respublikasining davlat mustaqilligini tantanali ravishda eʼlon qiladi".
Ushbu qonunga muvofiq "Qozogʻiston Respublikasi mustaqil, demokratik va huquqiy davlatdir. U oʻz hududida mutlaq hokimiyatga ega, ichki va tashqi siyosatini mustaqil ravishda belgilaydi va yuritadi. 2-modda "Qozogʻiston Respublikasi barcha davlatlar bilan munosabatlarini xalqaro huquq tamoyillariga asoslangan holda quradi".
Manbalar
[tahrir | manbasini tahrirlash]- ↑ „О праздниках в Республике Казахстан. Закон Республики Казахстан от 13 декабря 2001 года N 267.“. Информационно-правовая система нормативных правовых актов Республики Казахстан. Qaraldi: 2020-yil 22-dekabr.
- ↑ „КОНСТИТУЦИОННЫЙ ЗАКОН РЕСПУБЛИКИ КАЗАХСТАН О государственной независимости Республики Казахстан“. Online.Zakon.kz. Qaraldi: 2020-yil 22-dekabr.