RSFSR Oliy soveti Prezidiumining faxriy yorlig‘i

RSFSR Oliy soveti Prezidiumining faxriy yorligʻi – 1956–1992-yillarda amalda boʻlgan RSFSR davlat mukofoti. 1956-yil 18-iyulda RSFSR Oliy soveti Prezidiumi qarori bilan taʼsis etilgan. RSFSR Oliy soveti Prezidiumi faxriy yorligʻi bilan ishlab chiqarish, ilm-fan, jamiyat va siyosat, ijtimoiy-madaniy aloqalarni yaxshilash, mehnatkashlarni kommunistik ruhda tarbiyalash, Sovet ittifoqining himoyasi va xavfsizligini saqlash, xalqlar oʻrtasida tinchlik va doʻstlikni taʼminlash ishlarida xizmat koʻrsatgan shaxslar taqdirlangan.

Shuningdek, faxriy yorliq bilan tashkilotlar, tuzilmalar, strukturali boʻlinmalar, harbiy qismlar, avtonom respublikalar, oʻlkalar, viloyatlar, avtonom viloyatlar, avtonom okruglar, rayonlar, shaharlar va boshqa aholi yashash punktlari ham taqdirlangan.

RSFSR Oliy soveti Prezidiumining faxriy yorligʻi bilan taqdirlash haqidagi qarorlar „Vedomosti Verxovnogo soveta RSFSR“ va boshqa chop etish organlarida chop etilgan.

1992-yil 25-may kuni Rossiya Federatsiyasi Oliy soveti Prezidiumining 2843-I-sonli farmoyishi bilan RSFSR Oliy soveti Prezidiumining faxriy yorligʻi tugatildi, oʻrniga Rossiya Federatsiyasi Oliy soveti Prezidiumining faxriy yorligʻi joriy etildi.

Havolalar[tahrir | manbasini tahrirlash]

Положение о государственных наградах РСФСР (Wayback Machine saytida 2018-12-21 sanasida arxivlangan), утверждённое Указом Президиума Верховного Совета РСФСР от 27 января 1983 г.
Постановление Президиума Верховного Совета Российской Федерации от 25 мая 1992 г. № 2843-I «О Почётной Грамоте Президиума Верховного Совета Российской Федерации»^{[sayt ishlamaydi]}