Rojers Duglas
| Alfred Xarold Duglas "Dug" Rojers | |
|---|---|
.jpg) | |
| Shaxsiy maʼlumotlari | |
| Jinsi | Erkak |
| Fuqaroligi |
 Kanada |
| Tavallud sanasi |
26-yanvar 1941-yil Truro Yangi Shotlandiya, Kanada |
| Vafot sanasi |
20-iyul 2020-yil (79 yoshda) Vancouver Britaniya Kolumbiyasi, Kanada |
| Sport | |
| Qaysi sport | Dzyudo |
| Sport mukofotlari | ||
|---|---|---|
| Olimpiya oʻyinlari | ||
| Kumush | Tokio 1964 | 80kg ortiq |
| Jahon chempionati | ||
| Bronza | Rio-de-Janeyro 1965 | 80kg ortiq |
| Panamerika chempionati | ||
| Oltin | Gvatemala 1965 | ochiq toifa |
| Panamerika oʻyinlari | ||
| Oltin | 1967 | 93kg ortiq |
| Kumush | 1967 | ochiq toifa |
Alfred Xarold Duglas „Dug“ Rojers (inglizcha: Alfred Harold Douglas «Doug» Rogers, 1941-yil 26-yanvar, Truro (Yangi Shotlandiya), Kanada - 20-iyul, 2020-yil[1]) — kanadalik dzyudochi, Olimpiya oʻyinlari kumush sovrindori, jahon chempionati bronza sovrindori, Panamerika oʻyinlari chempioni, beshkarra Kanada chempioni, AQSH chempioni bronza sovrindori sanaladi[2].
Tarjimai hol
[tahrir | manbasini tahrirlash]1941-yilda tavallud topadi. Oʻsmirlik chogʻida u himoyachi sifatida shaybali xokkey oʻynagan. U katta sinf oʻquvchisi sifatida dzyudoga gʻoyibona qiziqa boshlagan, 15 yoshida u Monreal dzyudo klubiga kelgan. 1958-yilda Sharqiy Kanada chempioni boʻladi. Maktabni tugatgandan soʻng, 1960-yilda u Kanadaning eng nufuzli universiteti boʻlgan Makgill universitetiga qabul qilinganiga qaramay, Kodokan institutiga oʻqishga kiradi. Yaponiyada u ingliz tili oʻqituvchisi sifatida faoliyat olib boradi[3]. 1964-yilda u birinchi Kanada chempionligini qoʻlga kiritadi.
Rojers 1964-yilda Tokiodagi yozgi Olimpiya oʻyinlarida ishtirok etadi, 80 kilogrammdan ortiq vazn toifasida shohsupaga koʻtariladi. Uning toifasida 15 nafar sportchi bellashadi. Musobaqalar doiraviy tizim boʻyicha guruhlarda, soʻngra olimpiya tizimi boʻyicha oʻtkaziladi. Polvonlarning har biri uch kishidan iborat besh guruhga boʻlingan. Guruh gʻolibi magʻlubiyatdan keyin nokaut bilan oʻtkazilgan navbatdagi turnirga yoʻl oladi.
Rojers finalga chiqishga muvaffaq boʻladi va u oʻz jamoadoshi va sparring-raqibi Isao Inokumaga minimal hisobda imkoniyatni boy beradi.
Finaldan soʻng Rojers Masaxiko Kimura qoʻl ostida jiddiy shugʻullana boshladi. 1965-yilda u birinchi osiyolik boʻlmagan dzyudochi boʻlib, dzyudo boʻyicha Butun Yaponiya terma jamoasi chempionatida ishtirok etadi, Yaponiya terma jamoasi chempioni boʻldi va turnirning eng yaxshi dzyudochisi deb topildi. Oʻsha yili u Panamerika chempionatida gʻolib chiqdi, Jahon chempionatining bronza medali sovrindoriga aylanadi. 1965-yilda Rojers Kanadaga qaytib, samolyot uchuvchisi mutaxassisi sifatida tahsil ola boshlaydi.
1967-yilda Duglas Panamerika oʻyinlarining ogʻir vazn toifasida chempioniga aylanadi va ochiq vazn toifasida ikkinchi boʻlib qoladi. 1967-yildan keyin u uzoq yillar mobaynida yirik musobaqalarda chiqish qilmadi. 1972-yilda u sportga qaytdi. Kanada chempionligiga sazovor boʻlgach, u 1972-yilda Myunxendagi Olimpiya oʻyinlarida shohsupaga koʻtariladi va ogʻir vazn toifasida ham, ochiq vazn toifalarida beshinchi oʻrinni egalladi. 1975-yildan —1977-yilgacha Rojers Britaniya Kolumbiyasi universitetida murabbiy sifatida faoliyat yuritadi, biroq tez orada murabbiylikni tashlab, keyingi butun hayotini samolyot uchuvchiligiga bagʻishlagan.
Manbalar
[tahrir | manbasini tahrirlash]- ↑ „Doug Rogers, 1941—2020“. 23-iyul 2020-yilda asl nusxadan arxivlangan. Qaraldi: 23-iyul 2020-yil.
- ↑ „Doug Rogers Bio, Stats, and Results | Olympics at Sports-Reference.com“. 25-sentabr 2015-yilda asl nusxadan arxivlangan. Qaraldi: 30-may 2016-yil.
- ↑ The Montreal Gazette — Google News Archive Search
Havolalar
[tahrir | manbasini tahrirlash]- Duglas Rodjers — Sports-Reference.com saytida Olimpiya oʻyinlari statistikasi
- Duglas Rodjers — judoinside.com saytida profili
- Duglas Rojersning qizining otasi haqida doktorlik dissertatsiyasi