Ryszard Kalpas
| Ryszard Kalpas | |
|---|---|
 | |
| Tavalludi |
31-dekabr 1906-yil Samarqand, Rossiya imperiyasi |
| Vafoti |
2-aprel 1940-yil (33 yoshda) Katyn, SSSR |
| Unvoni | Kapitan |
| Jang/urush | Polsha bosqini |
Ryszard Kalpas (1906-yil 31-dekabr, Samarqand, Rossiya imperiyasi – 1940-yil 2-aprelda Katyn, SSSR) – Polsha armiyasi sapyorlari kapitani[1].
Hayoti
[tahrir | manbasini tahrirlash]Ryszard Kalpas 1906-yil 31-dekabrda Samarqand shahrida tugʻilgan. Otasi Antoni, onasi Aldona née Radziejowska, bobosi Ignacy. Akalari Rajmund, Roland va Jolanta. Varshavadagi 3-oʻrta maktab bitiruvchisi.
Ryszard Kalpas 1927-yildan Polsha armiyasida xizmat qilgan. U Varshavadagi muhandislik kadet maktabining bitiruvchisi hisoblanadi. 1931-yil 15-avgustda Polsha Respublikasi Prezidenti Ignacy Moshchicki uni ikkinchi leytenant unvoniga (1930-yil 15-avgustdagi ish staji holatiga koʻra) va muhandislik ofitserlari va sapyorlar korpusida maxsus 27-boʻlimga tayinladi. Keyinchalik Harbiy ishlar vazirligi uni oʻz tarkibiga kiritdi. Nowy Dwór Mazowieckidagi elektrotexnika batalyonida xizmat qilgan. 1938-yilda batalyonning ad’yutanti boʻldi. U 1939-yil 19-martda xizmat faoliyati, uzoq yillik mehnati sabab kapitan unvoniga koʻtarildi va sapyor ofitserlar korpusining maxsus guruhiga (59-boʻlimga) kapitan tayinlandi. 1939-yil mart oyida u Polsha bosqinida qatnashdi[2].
1939-yil sentyabr yurishi paytida u Sovet qoʻshinlari tomonidan asirga olingan. U Kozielskdagi lagerda saqlangan. 1940-yil bahorida u Katyn shahrida NKVD xodimlari tomonidan oʻldirildi va shu yerda dafn qilindi. Ryszard Kalpas 2000-yil 28-iyulda Katyndagi Polsha urush qabristoniga dafn etilgan.
Ryszard Kalpas Irena née Rolla-Dobińska bilan turmush qurgan. Ramziy qabr Powązki qabristonida joylashgan (39-6-28/29-boʻlim).
2007-yil 5-oktyabrda Milliy mudofaa vaziri Aleksandr Shchiglo tomonidan Ryszard Kalpasga mayor unvoni berildi. Ushbu unvon berilganligi 2007-yil 9-noyabrda Varshavada „Katynni Biz eslaymiz – Qahramonlar xotirasini nishonlaymiz“ marosimida eʼlon qilindi[3][4].
Manbalar
[tahrir | manbasini tahrirlash]- ↑ „Ryszard Kalpas“. www.geni.com. Qaraldi: 29-sentabr 2023-yil.
- ↑ „Dziennik Personalny Ministerstwa Spraw Wojskowych“. www.wbc.poznan.pl. Qaraldi: 29-sentabr 2023-yil.
- ↑ Ryszard Kalpas, muzeumkatynskie.pl
- ↑ Decyzja Nr 439/MON Ministra Obrony Narodowej z dnia 5 października 2007 w sprawie mianowania oficerów Wojska Polskiego zamordowanych w Katyniu, Charkowie i Twerze na kolejne stopnie oficerskie. Decyzja nie została ogłoszona w Dzienniku Urzędowym MON.