SMBC Trust Bank
 | |
| Turi | OAJ (Kabushiki Gaisha) |
|---|---|
| Egasi | Sumitomo Mitsui Banking Corporation |
| Qachon asos solingan | 1986 |
| Joylashuvi | 1-3-2 Marunouchi, Chiyoda-ku, Tokio, Yaponiya 〒100-0005 |
| Rahbariyat | Ryuji Nishizaki |
| Ishchilar soni | 1,667 (Mart-31, 2022) |
| Vebsayti | smbctb.co.jp |
SMBC Trust Bank (Yap: (kanji)株式会社SMBC信託銀行 (kana)エスエムビーシーしんたくぎんこう, Ing: SMBC Trust Bank Ltd.) SMBC sho'ba korxonasi sifatida faoliyat yurituvchi, omonat va depozit xizmatlarini o`z ichiga oluvchi tijorat bank hisoblanadi.
Tarixi[tahrir | manbasini tahrirlash]
SMBC Trust Bank 1986-yilda JP Morgan Chase Group tomonidan ilk bor Chemical Trust Bank Co., Ltd. sifatida tashkil etilgan. Keyinchalik, nomi o'zgartirilib, Chase Trust Bank Co., Ltd. deb nomlangan va Société Générale tomonidan sotib olingandan so'ng, nomi S.G. Trust Bank Co., Ltd., va yana Société Générale Trust Bank Co., Ltd. deb o'zgartirilgan.
2013-yil 1-oktyabrda Mitsui Sumitomo Bank Société Générale’ga qarashli Société Générale Trust Bankning barcha aksiyalarini sotib olib, SMBC Trust Bank Co., Ltd. sifatida ish boshladi.[1]
2014-yil 25-dekabrda, SMBC Group Citi Group (Citi Bank)ning chakana bank bo'limi, jumladan 2,44 trillion yenlik omonatlari, 32 ta filiali va taxminan 1,600 xodimini taxminan 40 milliard yen evaziga sotib oldi. SMBC Trust Bank ushbu bo'lim faoliyatini davom ettirib, faoliyatini boshlaganini e'lon qildi.
Birlashish dastlab rejalashtirilgan sanadan kechikib, 2015-yil 1-noyabrda amalga oshirildi va SMBC Trust Bank yangi "PRESTIA" brendi[2] ostida bo'limni o'z zimmasiga oldi. Birlashish e'lon qilinishiga mos ravishda, Citi Bank xorijda joylashgan 1,9 millionta bankomat orqali naqd pul olish kabi barcha xizmatlarni davom ettirishini e'lon qildi. Shuningdek, birlashishdan oldin, 2015-yil 13-apreldan boshlab, Citi Bank va SMBCning mavjud mijozlariga xizmatlardan foydalanishda imtiyozli to'lovlarni taqdim etdi.[3]
Hozirda, yangi hisob raqamini ochishda balansga qarab xizmat haqi olinadi. Shuningdek, hisob raqamidagi balans 5000 yendan kam bo'lsa, pul yechib bo'lmaydi.