Sardoba (Muborak tumani)
| Qishloq | |
| 39°02′24″N 65°19′08″E / 39.04000°N 65.31889°E | |
| Mamlakat | Oʻzbekiston |
| viloyat | Qashqadaryo viloyati |
| tuman | Muborak tumani |
| Qachondan beri qishloq | 2009-yil |
| Vaqt mintaqasi | UTC+5 |
|
| |
Sardoba (ruscha: Сардоба) – Oʻzbekiston Respublikasi Qashqadaryo viloyati Muborak tumaniga qarashli shaharcha. Sardobaning bunyodga kelish tarixi haqidagi ilk maʼlumotni Hofis Tanish al – Buxoriyning „Abdullanoma“ asaridan ham bilish mumkin . Unda yozilishicha „Yogʻochli Sardoba“ Buxoro xoni Abdulloh II ning 1579-1583-yillardagi Toshkentda yurish davrida barpo etilgan. Inshootning gʻishtlari kvadrat shaklda boʻlib, ularning hajmi 25x25x5 smni tashkil etadi. Gumbzaning ichki diametri 15 metr, balandligi 12 metrdan iborat. Sardobaning ichki qismida yerdan 2 metr balandlikda yopiq uyasimon tuynuklar joylashgan. Sardoba qalinligi 1.5 metrni tashkil etsa, yuqoriga koʻtarilgan sari yupqalashib boradi va eng yuqori qismida uning qalinligi bir gʻisht qalinligiga toʻgʻri kelgan. Sardobani kengligi 40 gaz(90sm hisoblangan) balandligi 9 metrni tashkil qiladi. Unda 3 ta eshigi mavjud boʻlib, ularning bittasidan suv olinib ichilgan. Qorovulbozor Sardobasidan 40 chaqirim (1 chaqirim – 1.5 km) uzoqlikda joylashgan[1].