Sergey Ivanov
| Shaxsiy maʼlumot | |||
|---|---|---|---|
| Toʻliq ismi | Sergey Ivanovich Ivanov | ||
| Tavallud sanasi | 24-mart 1964-yil | ||
| Tavallud joyi | Rostov SSSR | ||
| Ampluasi | Himoyachi | ||
| Professional faoliyati* | |||
| Yillar | Jamoa | Isht. | (Gol.) |
| 1982—1983 | SKA Rostov | 10 | (0) |
| 1984—1990 | Rostelmash | 207 | (6) |
| 1990—1991 | APK | 40 | (0) |
| 1992 | Navbahor | 23 | (0) |
| 1993—1994 | Lada Tolyatti | 34 | (0) |
| 1994 | Torpedo Taganrog | 14 | (0) |
| 1995 | SKA Rostov | 22 | (2) |
| 1996 | Istochnik | 11 | (2) |
| *Professional klublardagi gollari (ichki chempionat) | |||
Sergey Ivanovich Ivanov (1964-yil 22-martda tugʻilgan, SSSR) — sovet va rus futbolchisi, yarim himoyachi va himoyachi pozitsiyalarida toʻp surgan. Futbolchilik faoliyati yakunidan soʻng hakamlik bilan shugʻillana boshlagan.
Faoliyati
[tahrir | manbasini tahrirlash]Sergey Rostov futbol maktabi tarbiyalanuvchisi hisoblanadi. Katta futboldagi faoliyatini 1982—1983-yillarda u mahalliy SKAda boshlagan. 1984—1990-yillar davomida Rostelmash jamoasida oʻynagan. Rostelmash tarkibida 7 yil davomida SSSRning turli ligalarida 207 ta o‘yin o‘tkazib, 6 ta gol muallifiga aylangan. 1990—1991-yillarda „APK“ klubi sharafini himoya qilgan. 1992-yilda Oʻzbekiston Oliy ligasining nomdor jamoalaridan biri, Namanganning „Navbahor“ klubi safiga oʻtdi. Lochinlar safida klubning asosiy futbolchilaridan biriga aylandi va mavsum davomida 23 ta oʻyinda maydonda harakat qildi. Navbahor jamoasi tarkibida oʻynab, Oʻzbekiston kubogini qoʻlga kiritgan. 1993-yilda u Togliattining „Lada“ jamoasiga koʻchib oʻtdi. Mavsum davomida jamoada 34 ta oʻyin oʻtkazib, jamoaga Birinchi divizionda gʻalaba qozonish va Rossiya Premyer-ligasiga chiqishida yordam berdi. 1994-yil 15-martda Stavropolning „Dinamo“ jamoasiga qarshi oʻyinda u Rossiya chempionatida debyut qildi[1]. Rossiya Premyer-ligasida jami 8 ta oʻyin oʻtkazgan. U futbolchilik faoliyatini 1996-yilda Rostovning „Istochnik“ klubi safida yakunlagan.
Futbolchi sifatidagi faoliyatiniyakunlaganida soʻng hakamlar maktabida oʻqidi.1997—2001-yillarda hakamlik lavozimida ishlagan. Sergey Rossiyaning bir qator quyi divizion, yoshlar chempionati, shuningdek, Rossiya kubogi oʻyinlarida hakamlik qilgan[2].
Yutuqlar
[tahrir | manbasini tahrirlash]- Oʻzbekiston kubogini sohibi: 1992
- Rossiya Birinchi ligasi chempioni: 1993
Manbalar
[tahrir | manbasini tahrirlash]- ↑ „«Динамо» Ставрополь 1 : 0 «Лада» Тольятти“. 2018-yil 3-sentyabrda asl nusxadan arxivlangan. Qaraldi: 2016-yil 20-yanvar.
- ↑ „Иванов Сергей Иванович“. 2023-yil 22-iyunda asl nusxadan arxivlangan. Qaraldi: 2023-yil 22-iyun.
Havolalar
[tahrir | manbasini tahrirlash]- FootballFacts.ru FootballFacts.ru saytida futbolchi profili