Sergey Raxmanin
Sergey Ivanovich Raxmanin | |
| Shaxsiy maʼlumotlari | |
|---|---|
| Tavalludi |
17-aprel 1969-yil Xarkov, Ukraina SSR, SSSR |
| Siyosiy partiyasi | Golos |
| Taʼlim | Kiyev universiteti |
| Kasbi | jurnalist, publitsist, boshlovchi |
| Faoliyati | siyosat |
Sergey Ivanovich Raxmanin (ukraincha: Сергій Іванович Рахманін; 1969-yil 17-aprel, Xarkov) — ukrainalik siyosatchi, jurnalist, publitsist va teleboshlovchi. „Zerkalo nedeli“ gazetasi bosh muharriri oʻrinbosari[1]. 9-chaqiriq Ukraina xalq deputati[2][3]. Oliy Rada milliy xavfsizlik, mudofaa va razvedka qoʻmitasi aʼzosi.
Biografiyasi
[tahrir | manbasini tahrirlash]Taras Shevchenko nomidagi Kiyev Milliy universitetining jurnalistika fakultetini tamomlagan. Raxmanin „Utro“ jurnalida muxbir boʻlib ishlagan va Kiyevdagi „Molodaya gvardiya“ gazetasining mustaqil muxbiri boʻlgan. 1992-yildan 1998-yilgacha „Kiyevskie vedomosti“ gazetasi reportyori, muxbiri, maxsus muxbiri, siyosat tahririyati muharriri oʻrinbosari, siyosat tahririyati muharriri, bosh muharriri oʻrinbosari. 1998-yil oktyabr oyidan „Zerkalo Nedeli“ gazetasi siyosat boʻlimi muharriri. 2001-yil sentyabr oyidan Jurnalistlik etikasi boʻyicha Butunukrain komissiyasining aʼzosi[4]. 2001-yilda „Xartiya-4“ jamoat tashkilotiga asos solgan. 2014-yildan 2019-yilgacha ZIK telekanalida „Igra v klassiku“ dasturining boshlovchisi, 2018-yildan Radio NVda „Apokrif“ dasturining boshlovchisi[4]. Sergey Raxmanin „Demokratiya beshigini tebratgan qoʻllar“ (Руки, качающие колыбель демократии, 2002) kitobining muallifi. „Незалежність. Український варіант“ hujjatli filmi (2003) ssenariysi muallifi.
Siyosiy faoliyati
[tahrir | manbasini tahrirlash]2019-yilgi parlament saylovida „Golos“ partiyasidan xalq deputatligiga nomzod, roʻyxatda 8-oʻrinda boʻlgan[5]. Saylov paytida yakka tartibdagi tadbirkor, „Golos“ partiyasi aʼzosi. Kiyevda yashaydi deb koʻrsatilgan[6]. 2020-yilgi mahalliy saylovlar paytida Transkarpatiyadagi „Golos“ning saylov kampaniyasini boshqargan[7]. „Golos“ partiyasining parlamentdagi fraksiyasi raisi[8]. Oliy Rada milliy xavfsizlik, mudofaa va razvedka qoʻmitasi aʼzosi[9]. Yevropada xavfsizlik va hamkorlik tashkiloti Parlament assambleyasidagi doimiy delegatsiya aʼzosi.
Oilasi
[tahrir | manbasini tahrirlash]Xotini Kira Yuryevna Ivashova, ikki qizi: Varvara (1996) va Yustina (2005) bor.
Mukofotlari
[tahrir | manbasini tahrirlash]Butunukrain jurnalistika festivali laureati (1997), „Yil odami — 99“ milliy dasturining „Yil jurnalisti“ nominatsiyasi gʻolibi, Butunukrain jurnalistika festivali gʻolibi (1999), „Yil odami — 97“, „Yil odami — 2001“ dasturlari laureati, „Jurnalist fikri“ tanlovi gʻolibi (2001), „Jurnalist fikri“ tanlovi laureati (2002), „Zolotoya kopita“ („Oltin tuyoq“) birinchi umumukrain siyosiy satira tanlovi laureati (2002), Jurnalistikadagi yutuqlari uchun Aleksandr Krivenko nomidagi mukofot sovrindori boʻlgan (2004). „Debyut“ nominatsiyasida Teletriumf mukofoti sovrindori boʻlgan (2008)[10].
Manbalar
[tahrir | manbasini tahrirlash]- ↑ „Сергій Рахманін“ (uk). UA: Первый. 2016-yil 27-oktyabrda asl nusxadan arxivlangan. Qaraldi: 2019-yil 24-noyabr.
- ↑ „Фракция Голоса в Верховной Раде (СПИСОК)“. ICTV (2019-yil 20-sentyabr). 2019-yil 13-dekabrda asl nusxadan arxivlangan. Qaraldi: 2019-yil 24-noyabr.
- ↑ „Рахманин объяснил мирный план "Голоса" на примере Корей и Германии“. Украинская правда (2019-yil 13-noyabr). 2019-yil 14-noyabrda asl nusxadan arxivlangan. Qaraldi: 2019-yil 24-noyabr.
- ↑ 4,0 4,1 „Рахманін Сергій Іванович“ (uk). Чесно. 2021-yil 22-aprelda asl nusxadan arxivlangan. Qaraldi: 2019-yil 24-noyabr.
- ↑ Анастасия Кореновская. „Журналист Сергей Рахманин присоединился к партии Вакарчука“. Громадское телевидение (2019-yil 8-iyun). Qaraldi: 2019-yil 24-noyabr.
- ↑ „Відомості про кандидата в народні депутати України“ (uk). ЦИК Украины. 2019-yil 16-iyulda asl nusxadan arxivlangan. Qaraldi: 2019-yil 24-noyabr.
- ↑ „Кира Рудык: Порошенко для нас больший политический враг чем Зеленский. Потому что президент не пытается нас так сильно «обнять»“. Украинская правда (2020-yil 6-avgust). 2020-yil 6-avgustda asl nusxadan arxivlangan. Qaraldi: 2020-yil 6-avgust.
- ↑ „Разумков назвал фамилии председателей фракций“. Depo.ua (2019-yil 29-avgust). 2019-yil 31-avgustda asl nusxadan arxivlangan. Qaraldi: 2019-yil 24-noyabr.
- ↑ „Рада утвердила руководство и состав комитетов (список членов)“. КиевВласть (2019-yil 30-avgust). 2020-yil 4-fevralda asl nusxadan arxivlangan. Qaraldi: 2019-yil 24-noyabr.
- ↑ „Лауреаты премии «Телетриумф-2008» (список из 20 номинаций)“. УНИАН (2008-yil 29-avgust). 2021-yil 27-fevralda asl nusxadan arxivlangan. Qaraldi: 2019-yil 24-noyabr.