Sergey Voynov
| Sergey Voynov | |
|---|---|
| Shaxsiy maʼlumotlari | |
| Fuqaroligi |
 Oʻzbekiston |
| Tavallud sanasi |
26-fevral 1977-yil Oʻzbekiston SSR |
| Boʻyi | 188 |
| Vazni | 89 |
| Sport | |
| Qaysi sport | yengil atletika |
Sergey Sergeevich Voynov (tugʻ. 26-fevral 1977-yil, Oʻzbekiston SSR) — Oʻzbekiston yengil atletikachisi, nayza uloqtirish boʻyicha ixtisoslashgan sportchi, Oʻzbekiston Respublikasining xalqaro toifadagi sport ustasi. Oʻsmirlar oʻrtasida jahon chempioni, Osiyo oʻyinlari chempioni va sovrindori, Osiyo chempionati sovrindori, 1996, 2000, 2004-yillar Yozgi Olimpiada oʻyinlari ishtirokchisi. „Oʻzbekiston belgisi“, Oʻzbekistonda xizmat koʻrsatgan sportchi koʻkrak nishoni bilan taqdirlangan[1].
Martaba
[tahrir | manbasini tahrirlash]1994-yildan buyon xalqaro musobaqalarda qatnashib keladi. Jakartada (Indoneziya) yengil atletika boʻyicha oʻsmirlar oʻrtasidagi Osiyo chempionatida uchinchi, Lissabonda (Portugaliya) oʻtkazilgan yengil atletika boʻyicha oʻsmirlar oʻrtasidagi jahon chempionatida nayzani 72,74 metrga uloqtirib, 4-oʻrinni egalladi[2].
1995-yilda Jakartada (Indoneziya) boʻlib oʻtgan yengil atletika boʻyicha Osiyo chempionatida 73,46 m natija bilan bronza medalini qoʻlga kiritdi[3]. 1996-yilda Sidneyda (Avstraliya) oʻtkazilgan engil atletika boʻyicha oʻsmirlar oʻrtasidagi jahon chempionatida u 79,78 metr natija bilan oltin medalni qoʻlga kiritib, chempionlik rekordini oʻrnatdi[4]. Atlantada (AQSh) boʻlib oʻtgan Yozgi Olimpiada oʻyinlarida u 76,30 m balandlikka nayza uloqtirib, eng yaxshi natija koʻrsatmay, saralashda 24-oʻrinni egalladi[5]. Oʻsha yili Toshkentda oʻtkazilgan Oʻzbekiston chempionatida gʻoliblikni qoʻlga kiritdi.
1998-yilda Bangkokda (Tailand) boʻlib oʻtgan yozgi Osiyo oʻyinlarida nayzani 79,70 metrga uloqtirib, oltin medalni qoʻlga kiritdi[6]. Yengil atletika boʻyicha Osiyo chempionatida u faqat toʻrtinchi oʻrinni egalladi. 1999-yilda Bishkek shahrida (Qirgʻiziston) boʻlib oʻtgan Markaziy Osiyo oʻyinlarida nayzani 83,12 metrga uloqtirib, oltin medalni qoʻlga kiritdi[7]. Oʻsha yili Oʻzbekiston Prezidentining farmoni bilan „Oʻzbekiston belgisi“ koʻkrak nishoni bilan taqdirlangan[8].
2000-yilda Sidneyda (Avstraliya) boʻlib oʻtgan Yozgi Olimpiya oʻyinlarida u saralash boʻyicha atigi 25-oʻrinni egalladi va turnirning final qismiga chiqa olmadi[9]. Oʻsha yili Qozogʻiston, Fransiya, Italiya, Portugaliyada oʻtkazilgan xalqaro musobaqalarda birinchi oʻrinlarni egalladi.
2002-yilda Kolomboda (Shri Lanka) yengil atletika boʻyicha oʻtkazilgan Osiyo chempionatida kumush medalni qoʻlga kiritdi[3]. Busan shahrida (Koreya Respublikasi) boʻlib oʻtgan yozgi Osiyo oʻyinlarida natija bilan bronza medalini qoʻlga kiritdi[10]. 2003-yilda Manilada (Filippin) oʻtkazilgan Osiyo chempionatida bronza medalini qoʻlga kiritdi[11].
2004-yilda Oʻzbekiston chempionati, Rossiya va Koreyada oʻtkazilgan xalqaro turnirlarda gʻolib chiqqan. Afinadagi (Gretsiya) yozgi Olimpiya oʻyinlarida u yana muvaffaqiyatsizlikka uchradi va saralashdan oʻta olmadi[12]. 2006-yilda u yozgi Osiyo oʻyinlarida toʻqqizinchi oʻrinni egallab, medalsiz qoldi[13].
2009-yilda u sport karerasini yakunladi.
Manbalar
[tahrir | manbasini tahrirlash]- ↑ „Знаменитые спортсмены Узбекистана — Ветеран спорта“ (ru-RU). 2021-yil 23-avgustda asl nusxadan arxivlangan. Qaraldi: 2021-yil 23-avgust.
- ↑ „World Junior Championships 1994“. web.archive.org (2013-yil 31-oktyabr). 2013-yil 31-oktyabrda asl nusxadan arxivlangan. Qaraldi: 2021-yil 23-avgust.
- ↑ 3,0 3,1 „Asian Championships“. www.gbrathletics.com. Qaraldi: 2021-yil 23-avgust.
- ↑ „World Junior Championships 1996“. web.archive.org (2013-yil 31-oktyabr). 2013-yil 31-oktyabrda asl nusxadan arxivlangan. Qaraldi: 2021-yil 23-avgust.
- ↑ „Olympic Games 1996 Atlanta Athletics“. web.archive.org (2007-yil 30-sentyabr). 2007-yil 30-sentyabrda asl nusxadan arxivlangan. Qaraldi: 2021-yil 23-avgust.
- ↑ „ATHLETICS ASIAN GAMES“. www.todor66.com. Qaraldi: 2021-yil 23-avgust.
- ↑ „Olympic Council of Asia : Games“. web.archive.org (2018-yil 28-fevral). 2018-yil 28-fevralda asl nusxadan arxivlangan. Qaraldi: 2021-yil 23-avgust.
- ↑ „ УП-2073-сон 27.08.1998. О награждении в связи с семилетием независимости Республики Узбекистан группы спортсменов, добившихся высоких результатов“. lex.uz. Qaraldi: 2021-yil 23-avgust.
- ↑ „Men Javelin Olympic Games Sidney 2000 - Saturday 23.09“. web.archive.org (2012-yil 14-mart). 2012-yil 14-martda asl nusxadan arxivlangan. Qaraldi: 2021-yil 23-avgust.
- ↑ „Game Result“. web.archive.org (2002-yil 23-dekabr). 2002-yil 23-dekabrda asl nusxadan arxivlangan. Qaraldi: 2021-yil 23-avgust.
- ↑ „Wayback Machine“. web.archive.org (2013-yil 27-sentyabr). 2013-yil 27-sentyabrda asl nusxadan arxivlangan. Qaraldi: 2021-yil 23-avgust.
- ↑ „World Athletics“. www.worldathletics.org. Qaraldi: 2021-yil 23-avgust.
- ↑ „15th Asian Games Doha 2006“. web.archive.org (2007-yil 14-yanvar). 2007-yil 14-yanvarda asl nusxadan arxivlangan. Qaraldi: 2021-yil 23-avgust.