Shin Ermolay
| Ermolay Shin | |
|---|---|
| Shin Yong Sim | |
| Tavalludi |
20-yanvar 1922-yil Suchanskiy tumani, Primorsk oʻlkasi, Uzoq Sharq federal okrugi |
| Vafoti |
20-noyabr 1974-yil (52 yoshda) Toshkent viloyati, Oʻzbekiston SSR, SSSR |
| Mukofotlari |
  |
Ermolay Shin, koreyscha varianti Shin Yong Sim (1922-yil 20-yanvar, Chendalaza, Primorsk oʻlkasi – 1974-yil 20-noyabr, Toshkent viloyati) – Oʻzbekiston SSR Toshkent viloyati, Nijne-Chirchiq tumani, Dimitrov nomidagi kolxozlar aʼzosi. Sotsialistik Mehnat Qahramoni (1951).
Hayoti
[tahrir | manbasini tahrirlash]1922-yilda (boshqa maʼlumotlarga koʻra – 1927-yilda) Olginskiy tumani, Chendalaza qishlogʻida dehqon oilasida tugʻilgan[1]. 1937-yilda ota-onasi bilan birga O‘zbekiston SSR Toshkent viloyatidagi maxsus posyolkaga surgun qilinadi. 1946-yilda Nijne-Chirchiq tumani Budyonniy nomidagi kolxozda oʻrta maktabning oʻninchi sinfini tamomlagan. 1947-yildan Nijne-Chirchiq viloyatidagi Dimitrov nomidagi kolxozda traktor parki hisobchisi, sholichilik va dalachilik boʻlimi mudiri, brigadir, uchastka mudiri boʻlib ishlagan[2].
1950-yilda Ermolay Shin boshchiligidagi dala jamoasi 10,2 gektar maydonning har gektaridan oʻrtacha 107,6 sentnerdan yashil kanop poyasi oldi. SSSR Oliy Kengashi Prezidiumining 1951-yil 22-maydagi farmoni bilan unga "1950-yilda kolxozlar tomonidan majburiy yetkazib berish va sugʻoriladigan yerlarda yashil kanop poyasidan yuqori hosil olgani uchun Sotsialistik Mehnat Qahramoni unvoni berilgan. Shuninhgdek, qishloq xoʻjaligi mahsulotlarini kontraktatsiya qilish, MTS ishi uchun natura shaklida toʻlov tizimini joriy qilish va 1951-yil bahorgi ekin uchun barcha kolxozlarni urugʻlik bilan taʼminlashdagi faoliyati uchun „Lenin ordeni“ va O‘roq va Bolg‘a oltin medali oltin medali topshirilgan[1].
1964-yilda Toshkent qishloq xoʻjalik institutining sirtqi boʻlimini tamomlagan.
Xalq xoʻjaligi yutuqlari koʻrgazmasida bir necha bor qatnashgan. 1961-yilda Oqqoʻrgʻon viloyati Krasnooktyabrskiy qishloq kengashiga, 1971-yilda xalq deputatlari Oqqoʻrgʻon tuman Kengashiga deputat etib saylangan.
1974-yil noyabrda vafot etdi. U sobiq Dimitrov nomidagi kolxoz qabristoniga dafn etilgan.
Mukofotlari
[tahrir | manbasini tahrirlash]- Sotsialistik Mehnat Qahramoni
- ikki marta Lenin ordeni (1950, 1951)
- „Mehnat jasorati uchun“ medali (1972)
- „Vladimir Ilich Lenin tavalludining 100 yilligi munosabati bilan“ medali (1970)
- ikki marta Xalq xoʻjaligi yutuqlari koʻrgazmasi kumush medali (1962, 1972)
- Oʻzbekiston SSR Oliy Soveti Prezidiumining Faxriy yorligʻi (1956)
Manblalar
[tahrir | manbasini tahrirlash]- ↑ 1,0 1,1 „герой социологического труда“. www.warheroes.ru. Qaraldi: 5-noyabr 2023-yil.
- ↑ „герой социологического труда“. www.arirang.ru. Qaraldi: 5-noyabr 2023-yil.