Shrook Wafa
Shrook Vafa (1997-yil 13-mayda tugʻilgan)[1] — misrlik ayol shaxmatchi. U FIDE ayol grossmeyster unvoniga ega.
| Shrook Wafa | |
|---|---|
| Mamlakat |
 Misr |
| Tugʻilishi |
13 May 1997 (yoshi 27) Misr |
| Saravha | Ayol grossmester |
| FIDE reyting | [1] (fevral 2024) |
Biografiyasi
[tahrir | manbasini tahrirlash]Shrook Wafa 2013-yilda ayollar oʻrtasida shaxmat boʻyicha Afrika chempionatida gʻoliblikni qoʻlga kiritdi.[2] Ushbu muvaffaqiyat tufayli u ayol grossmeyster (WGM) unvoniga sazovor boʻldi[3] va 2015-yilgi shaxmat boʻyicha ayollar oʻrtasidagi jahon chempionatiga yoʻllanma oldi.[4]
Shrook Wafa 2014, 2016 va 2019-yilgi shaxmat boʻyicha Afrika chempionatida ayollar oʻrtasida boʻlib oʻtgan musobaqalarda muvaffaqiyatli qatnashib, gʻolib boʻldi.[5]
2015-yilgi ayollar oʻrtasidagi shaxmat boʻyicha jahon chempionatida u birinchi raundda dunyoning ikkinchi raqamli shaxmat ayol grossmeysteri Ju Venjun tomonidan magʻlubiyatga uchradi. Bu uning jahon chempionatidagi debyuti edi.
Shrook Wafa 2012-yil FIDE xalqaro ayol shaxmat ustasi (WIM) unvonini qoʻlga kiritdi. Bundan bir yil avval esa u WFM unvoniga sazovor boʻlgan edi.
U 2015-yilgi FIDE ning TOP-100 talik shaxmatchi qizlar roʻyhatiga kiritilgan.
Shrook Wafaning FIDE reytingidagi natijasi shaxmatning rapid yoʻnalishi boʻyicha yuqori (2038 ball 2022-yil avgust holatiga koʻra).[6]
U oq donalarda oʻynab, jami 312 ta gʻalaba, 76 ta durang hamda 134 ta magʻlubiyat bilan yakunlangan oʻyinlarni namoyish etgan. Shrook Wafaning qora donalar bilan boʻlgan oʻyinlari ham u qadar katta tafovutga ega emas, 299 ta gʻalaba, 150 ta magʻlubiyat va 70 ta durang bilan yakunlangan oʻyinlar (2022-yil avgust holatiga koʻra) shular jumlasidandir.[7]
Shaxsiy hayoti
[tahrir | manbasini tahrirlash]Shrook Wafaning singlisi Shahenda Wafa ham ayol grossmeyster hisoblanadi. Opa-singil Wafalar musobaqalarda Misr nufuzi uchun dona suradilar.
Manbalar
[tahrir | manbasini tahrirlash]- ↑ Top 100 Girls May 2015 FIDE
- ↑ African Individual Women Chess Championship 2013 Chess-Results
- ↑ International Title Regulations: Table for Direct Titles FIDE
- ↑ FIDE World Womenʼs Chess Championship 2015: players
- ↑ African Individual Chess Championships 2014 Women Chess-Results
- ↑ „Shrook Wafa reytingi“. Qaraldi: 2022-yil 16-avgust.
- ↑ „Shrook Wafa reytingi“. Qaraldi: 2022-yil 16-avgust.