Simulyakrlar va simulyatsiya

Umumiy maʼlumot
Muallif	Jan Bodriyar
Turi	Yozma asar
Janr	sotsiologiya; postmodernizm
Original nashr
Nomi	Simulacres et Simulation
Tili	fransuzcha
Nashriyot	Galilée
Nashr yili	1981
Betlar soni	235
ISBN	2-7186-0210-4
Inglizcha nashr
Nomi	Simulacra and Simulation
Tarjimonlar	Paul Foss, Paul Batton & Philip Beitchmann
Nashriyot	Semiotext(e)
Nashr yili	1983
Betlar soni	164
ISBN	0-472-06521-1
Ruscha nashr
Nomi	Simulyakri i simulyatsiya
Tarjimon	A. A. Kachalov
Nashriyot	Postum
Nashr yili	2015
Betlar soni	240
ISBN	978-5-91478-023-1, 978-5-386-07870-6

„Simulyakrlar va Simulyatsiya“ (frans. Simulacres et Simulation) — fransuz sotsiologi va faylasufi Jan Bodriyarning 1980-yilda yozilgan asari boʻlib, unda Bodriyar reallik, timsollar va jamiyat orasidagi oʻzaro munosabatlarni tahlil qiladi. Asar 18 bobdan iborat boʻlib, ularning har biri mustaqil ijodiy ish sifatida koʻrilishi mumkin. Asarning epigrafi sifatida quyidagi ibora keltirilgan:

„Simulyakr — bu oʻzida haqiqatni yashirib yotuvchi narsa emas, — bu haqiqat yoʻqligini yashiruvchi haqiqatdir. Simulyakr — haqiqatdir.“

Ekkleziast

Asar boshida Bodriyar Xorxe Luis Borxesning „Fandagi aniqlik toʻgʻrisida“ hikoyasi syujeti yordamida bir oʻxshatish keltiradi. Bu oʻxshatishga koʻra, bir buyuk imperiyada xaritashunoslar ulkan, favqulodda aniq hamda oʻz imperiyalari chegaralari bilan tutashib ketuvchi xarita yaratadi. Imperiyaning boshqa hududlarni egallashi yoki boy berishi bilan xarita ham kengayib, torayib turar edi. Imperiya parokandalikka uchragandan keyin esa, aynan shu xarita imperiyadan yagona meros boʻlib qoldi.