Sodir Erkinov

Sodir Erkinov — (1930, Rishton tumani, Fargʻona — 2009) adabiyotshunos, Filologiya fanlari doktori (1977), professor.

Sodir Erkinov
Tavalludi	1930-yil, 30-dekabr Fargʻona viloyati, Rishton tumani
Vafoti	2009-yil
Mukofotlari	Beruniy nomidagi Oʻzbekiston Davlat mukofoti laureati (1992)

Faoliyati

Fargʻona davlat pedagogika universitetini tugatgan (1952). Moskva davlat universitetida aspirant (1953—1956), Qoʻqon davlat pedagogika institutida katta oʻqituvchi (1958—1962), Qoʻqon adabiyot muzeyining mudiri, Oʻzbekiston Fanlar akademiyasi Til va adabiyot instituti boʻlimi katta ilmiy xodimi (1962), tekstologiya boʻlimi mudiri (1976).

Uning „Lutfiy“ (1965), "Navoiy „Farhod va Shirin“i va uning qiyosiy tahlili" (1971) monografiyalari nashr etilgan.

„Asrlar osha mushoira“, „Sharq adabiyotida Farhod qissasi“, „Nizomiy Ganjaviy“ kabi kitoblar muallifi.

Mukofotlari

Beruniy nomidagi Oʻzbekiston Davlat Mukofoti laureati (1992).