Stratiform konlar

Stratiform konlar - foydali qazilmalarning vulkanogenchoʻkindi va qatqatli choʻkindi togʻ jinslari qalin qatlamlaridagi bir yoki bir necha stratigrafik gorizontda toʻplangan uyumlari. Stratiform konlar singenetikmagmatik va epigenetikpostmagmatik yoʻllar bilan hosil boʻladi. Karbonatli jinslar qatlamlaridagi qoʻrgʻoshinrux (AQSH, Missisuri shtatidagi konlar) hamda qumtosh va slanets qatlamlaridagi mis konlari (Qozogʻiston, Jezqazgan koni) Stratiform konlar uchun harakterli. Stratiform konlarda qatlam tanalari oʻzini sigʻdirgan va ular bilan muvofiq yotgan togʻ jinslariga nisbatan koʻp. Ular rudalarning oddiy mineral tarkibi bilan farq qiladi, bu esa rudali jinslarning bir yoki bir nechta katlamlarida mis, rux, qoʻrgʻoshin sulfidlarining xolxolligi va hamroh minerallarning miqdoriga bogʻliq. Stratiform konlar katta hajmdagi keng qamrovli rivojlanishga ega boʻlib, bepoyon rudali rayonlar va provinsiyalarda shakllanadi (mas, Missisipi vodiysidagi qoʻrgʻoshinrux konlari). "Stratiform konlar" termini, ushbu konlarning paydo boʻlish muammosi yuzasidan 1969-yilda NyuYorkda oʻtkazilgan konferensiyada qabul qilingan. Oʻzbekistonda Stratiform konlar sirasiga Uchquloch (Shim. Nurota tizmasi), Sarikon, Konjaylov (Chatqol tizmasi) kabi qoʻrgʻoshinrux konlari kiradi.