Sulton Ahmad Mirzo

Sulton Ahmad Mirzo (1451, Samarqand — 1494, Oqsuv mavzesi, Oʻratepa) — Movarounnahr hukmdori (1469—94). Temuriylar sulolasidan.

Sulton Ahmad Mirzo
Sulton Ahmad Mirzo portreti, Temuriylar tarixi davlat muzeyi
Temuriylar imperiyasi sultoni
Saltanat	1469-yil fevral — 1494-yil iyul
Oʻtmishdoshi	Abu Said
Davomchisi	Sulton Mahmud Mirzo
Tugʻilishi	1451-yil Samarqand, Temuriylar imperiyasi
Vafoti	1494-yil, iyul Oʻratepa, Temuriylar imperiyasi
Uy	Temuriylar
Otasi	Abu Said
Onasi	Oʻrdu Bugʻo Tarxonning qizi
Dini	Islom

Abu Said Mirzoning katta oʻgʻli. Onasi — Oʻrda Bugʻa Tarxonning qizi. Otasi unga Samarqand va Buxoro viloyatlari hokimligini bergan. Keyinchalik Toshkent, Shoxruxiya va Sayramni oʻz tasarrufiga kiritgan. Toshkent va Sayramni ukasi Umar Shayx Mirzoga topshirgan. Xoʻjand bilan Oʻratepa ham bir necha muddat uning tasarrufida boʻlgan. 1493-yil Sulton Ahmad Mirzo kuyovi, Toshkent xoni Sulton Mahmudxon bilan ittifoq tuzib Andijonga — Umar Shayx Mirzoga karshi yurish boshlaydi, ular Andijon, Axsi va Margʻilonni qamal qiladilar. Shu paytda Axsida Umar Shayx Mirzo toʻsatdan vafot etib, taxtga 12 yoshli Bobur oʻtirgan. Bek va amirlar xalqni dushmanga karshi safarbar etadilar. Sulton Mahmudxon Toshkentga qaytib ketgan. Sulton Ahmad Mirzo Boburga Fargʻona hukmronligini „inʼom“ etib Samarqandga qaytgan, biroq Oʻratepaga yetganda vafot etgan. Sulton Ahmad Mirzo Movarounnahrda nufuzi nihoyatda baland boʻlgan Xoja Ahrorni oʻziga pir tutgan. Oysha Sulton begim va Maʼsuma Sulton begim ismli qizlari Boburning xotinlari boʻlgan.

Adabiyot

• Fayziyev T., Temuriylar shajarasi, T., 1995; M ugʻam madjonov A., Temur va temuriylar saltanati, T., 1994.