Toʻlqin Hayit

Toʻlqin Hayit
Tavalludi	15-noyabr 1957-yil (1957-11-15) Surxondaryo viloyati, Sariosiyo tumani
Fuqaroligi	O‘zbekiston SSR Oʻzbekiston
Shoh asari	"Meni kechir, bolajon" (1991) "Dashnobod hangomalari" (1992) "Vafo malikasi" (2005) "Qora Shahzoda" (2007) "Ulug‘ Amir o‘gitlari" (2004) "Shohi Zinda" (2005) "Amir Temur haqida hikoyalar" (2009)
Mukofotlari	„Eng ulugʻ, eng aziz“ Respublika ko‘rik-tanlovining g‘olibi (2009) O‘zbekistonda xizmat ko‘rsatgan madaniyat xodimi (2011) Qirg‘iziston Respublikasi FA ning Xalqaro Chingiz Aytmatov mukofoti sovrindori (2020-yil)

Toʻlqin Hayit, (1957-yil 15-noyabr, Sariosiyo tumani, O'zbekiston SSR) — yozuvchi, ssenariynavis, Oʻzbekiston Yozuvchilar uyushmasining aʼzosi (1998-yildan), Oʻzbekiston Respublikasi FA Temuriylar tarixi davlat muzeyi katta ilmiy xodimi, „Eng ulug‘, eng aziz“ Respublika ko‘rik-tanlovining g‘olibi (2009), O‘zbekistonda xizmat ko‘rsatgan madaniyat xodimi (2011), Qirg‘iziston Respublikasi FA ning Xalqaro Chingiz Aytmatov nomidagi mukofot sovrindori (2020).

Hayoti va taʼlimi

To‘lqin Hayit 1957-yil 15-noyabrda Surxondaryo viloyatining Sariosiyo tumani Dashnobod qishlog‘ida istiqomat qiluvchi Hayitovlar oilasida dunyoga kelgan. 1975—1981-yillarda Respublika rus tili va adabiyoti instituti talabasidir. 1981—1985-yillarda Surxondaryo viloyat, Sariosiyo tumani, 79 maktabda o‘qituvchilik qilgan. 1985—1991-yillarda „Yosh leninchi“ gazetasi korrektori, bo‘lim mudiri boʻlib ishlagan. 1991—1992-yillarda O‘zbekiston bolalar fondi masʼul kotibi, 1993—2006-yillarda „O‘zbekiston“ davlat teleradiokompaniyasi bosh direktor o‘rinbosari, bosh muharriri, katta muharriri, guruh rahbari. 2006—2012-yillarda „O‘zbekiston“ nashriyot-matbaa ijodiy uyi „Tong yulduzi“ gazetasi bosh muharriri. 2012—2013-yillarda „Tengdosh“ gazetasi bosh muharriri. 2013-yildan buyon Oʻzbekiston Respublikasi FA Temuriylar tarixi davlat muzeyi katta ilmiy xodimi lavozimida ishlab kelmoqda.

Asarlari

„Meni kechir, bolajon“ (1991), „Dashnobod hangomalari“ (1992), „Vafo malikasi“ (2005), „Qora Shahzoda“ (2007) nasriy asarlari va „Ulug‘ Amir o‘gitlari“ (2004), „Shohi Zinda“ (2005), „Amir Temur haqida hikoyalar“ (2009) kabi tarixiy janrdagi asarlari chop etilgan.

Roʻyxati

N.	Asar nomi	Asar turi va mavzusi	Nashr etilgan yili, joyi va nashriyoti	Adadi
1.	Meni kechir, bolajon!	Voqeiy hikoyalar va badialar	1991-y., Toshkent „O‘zbekiston“, nashriyoti.	20 ming nusxa.
2.	Dashnobod hangomalari	Hikoyalar va latifalar	1992-y., Toshkent, G‘.G‘ulom nashriyoti	10 ming nusxa.
3.	Turon tunlari	Roman	1996-y., Toshkent, „O‘zbekiston“ nashriyoti	5000 nusxa.
4.	Ulug‘ Amir o‘gitlari	Risola, F.Nabiyeva bilan hamkordikda	2003 y, Toshkent, „Navro‘z“ nashriyoti	1000 nusxa.
5.	Shohi Zinda	Risola	2005 y, Toshkent, „Yangi asr avlodi“ nashriyoti	4000 nusxa.
6.	Vafo malikasi romanining yozilish tarixi	Risola	1996-y „O‘zbekiston“, Toshkent, nashriyoti. 2-nashri: „Yangi asr avlodi“.	5000 nusx. 1000 nusxa
7.	Qora shahzoda	Roman	2008-yil, Toshkent „Sharq“ NMAK.	5000 nusxa.
8.	Boyvachchaning qizi	Qissa va hikoyalar.	1 nashri — 2008 y, Toshkent „O‘zbekiston“ NMIU 2 nashri — 2013-y, Toshkent „O‘zbekiston“ NMIU	3000 nusxa3000 nusxa.
9.	Amir Temur haqida hikoyalar	Hikoyalar	2009-y, Toshkent, „O‘zbekiston“ NMIU	3000 nusxa.
10.	Odamning yaxshisi	Hikoyalar	2011-y, Toshkent „Movarounnahr“ nashriyoti	500 nusxa.
11	Bahouddin Naqshband yohud Buroq vodiysi qissasi	Roman	2014-yil, Toshkent, „Yangi asr avlodi“	5000 nusxa
12.	Amir Temur xazinasi	Kichik qomusiy kitob	2015-y., Toshkent, „Yangi nashr“.	3000 nusxa.
13.	Temuriy ijodkorlar	Risola	2016-y., Toshkent, G‘.G‘ulom nomidagi NMIU	500 nusxa.
14.	Buyuk salohiyat sohibi	Amir Temurning yoshlik yillari haqida hikoyalar.	2016 y, Toshkent, „O‘qituvchi“ NMIU	3000 nusxa.
15.	Amir Temur qalbida chaqnagan nur	Suhbat-kitob	2016-y, Toshkent „O‘qituvchi“ NMIU.	—
16.	Baqo guli	Roman	"Sharq" NMAKda nashr etilmoqda.	—

Oilasi

Otasi — Hayitov Mingboy 1924-yil, Surxondaryo viloyati, Sariosiyo tumanida tugʻilib, 1994-yilda vafot etgan. Sariosiyo tuman Dashnobod davlat xo‘jaligi ishchisi boʻlgan.

Onasi — Hayitova (Muhammadiyeva) Sora 1932-yil, Surxondaryo viloyati, Sariosiyo tumanida tugʻilgan. Uy bekasi boʻlgan. 2010-yilda vafot etgan.

Turmush o‘rtog‘i — Hayitova (Tursunova) Muazzam Kenjayevna 1961-yil, Surxondaryo viloyati Toshkent shahar „Innovatsion rivojlanish nashriyot-matbaa uyi“ nashriyoti muharriri.

O‘g‘li — Hayitov Umid To‘lqinovich. 1986-yil, Surxondaryo viloyati, Yangi O‘zbekiston nashriyoti direktori.

Qizi — Hayitova Sevara To‘lqinovna. 1988-yil, Surxondaryo viloyati. Uy bekasi.

Qizi — Hayitova Saodat To‘lqin qizi. 1994-yil, Surxondaryo viloyati. Uy bekasi.

Qizi — Hayitova Maxfuza To‘lqin qizi. 1998-yil, Surxondaryo viloyati, Temuriylar tarixi davlat muzeyi rassom-dizayneri.