Tong yulduzi

Tong yulduzi – bolalar va oʻsmirlar gazetasi. Muassis – O‘zbekiston Respublikasi Maktabgacha va maktab ta’limi vazirligi. Oyda 1 marta chiqadi. Birinchi soni 1929-yil 1-avgustda Samarqandda „Lenin uchquni“ nomi bilan chiqqan (3000 nusxada); 1931-yildan Toshkent shahrida chop etiladi. Ikkinchi jahon urushi yillari gaz.ni nashr etish vaqtincha toʻxtatilgan. 1946-yil 1 iyuldan yana nashr qilina boshlagan. 1992-yildan hozirgi nomda. Gaz.ga turli davrlarda Hotam Qirgʻiz, Y.Shamsharov, Sanjar Tilla, Ramz Bobojon, Gʻ.Jahongirov, S. Yoʻldoshev, J. Razzoqov, A. Koʻchimov, A.Berdimurodov va boshqa muharrirlik qilishgan. Sahifalarida Oʻzbekistondagi maktab oʻquvchilari hayotiga oid maqola va xabarlar, ular ijodidan namunalar, bolalar uchun badiiy asarlar va boshqa bosiladi.