Toshkent davlat texnika universitetining Qoʻqon filiali

Islom Karimov nomidagi Toshkent davlat texnika universitetining Qoʻqon filiali – muhandislik texnologiyalari, geologiya, iqtisodiyot, texnika sohalarida mutaxassislar tayyorlovchi Toshkent davlat texnika universitetining Fargʻona vodiysidagi ilk va hozircha yagona filialidir.

Islom Karimov nomidagi Toshkent davlat texnika universitetining Qo'qon filiali

Islom Karimov nomidagi Toshkent davlat texnika universitetining Qo'qon filialining kirish qismi
Xalqaro nomi	Kokand branch of the Tashkent State Technical Universtiy named after Islam Karimov
Turi	Universitet
Asos solingan sanasi	2018-yil, 22-sentyabr
Rektori	Maqsudov Muzaffar Saminjonovich [1]
Fakultetlar	Energetika, Muhandislik
Talabalari	1519
Bakalavriat	13 bakalavriat yo'nalishlari mavjud
Magistratura	2 ta magistratura yo'nalishlari mavjud
Manzili	O'zbekiston Respublikasi, Farg'ona viloyati, Qo'qon shahri, Alisher Navoiy mavzesi, Usmon Nosir ko'chasi, 4-uy
Veb-sayti	tdtukokand.uz
Fayl:TDTU Kokand logo.png

Islom Karimov nomidagi Toshkent davlat texnika universitetining Qoʻqon filiali logotipi

Tarixi

Oʻzbekiston Respublikasi Vazirlar Mahkamasining „Islom Karimov nomidagi Toshkent davlat texnika universitetining Qoʻqon filialini tashkil etish toʻgʻrisida“gi 2018-yil 22-sentyabrdagi 754-son qaroriga asosan tashkil qilingan.

Vazifalari

Quyidagilar filialning asosiy vazifalari etib belgilangan:

– sanoat mahsulotlarini ishlab chiqarish, muhandislik ishi hamda ishlab chiqarish texnologiyalari sohalari uchun, xususan, elektronika va asbobsozlik, materialshunoslik va yangi materiallar texnologiyasi, texnologik mashinalar va jihozlar, elektron apparaturalar ishlab chiqarish texnologiyalari yoʻnalishlari boʻyicha yuqori malakali kadrlarni xalqaro standartlar darajasida sifatli tayyorlashni taʼminlash;

– iqtisodiyot tarmoqlarini rivojlantirishning ilmiy-texnologik vazifalarini hal etishga, ilgʻor xorijiy texnologiyalarni sinab koʻrish va joriy etishga yoʻnaltirilgan ilmiy-amaliy tadqiqotlarni olib borish va ishlanmalarni amalga oshirish;

– kadrlar buyurtmachilari takliflari hamda xorijiy mamlakatlar taʼlim muassasalarining tajribasini hisobga olgan holda tegishli muhandislik-texnik va ishlab chiqarish bakalavriat taʼlim yoʻnalishlari hamda magistratura mutaxassisliklari boʻyicha ilmiy-uslubiy adabiyotlarni ishlab chiqish;

– oʻquv va ilmiy loyihalarni amalga oshirish, taʼlim va ilmiy izlanishlar jarayoniga mutaxassislarni keng jalb etish maqsadida ishlab chiqarish va qayta ishlash sohalaridagi respublika va xorijiy yetakchi oliy taʼlim muassasalari va ilmiy markazlari bilan hamkorlikda aloqalarni rivojlantirish;

– respublika va xorijiy oliy taʼlim muassasalari va ilmiy markazlariga istiqbolli yosh bitiruvchilarni magistratura va doktaranturaga muntazam yuborish orqali filialning ilmiy-pedagogik salohiyatini oshirib borish.

Muzaffar Saminjonovich Maksudov – 2023-yil 26-dekabrdan Islom Karimov nomidagi Toshkent davlat texnika universitetining Qoʻqon filiali direktori vazifasini vaqtincha bajaruvchi.

Bakalavriat yoʻnalishlari

№	Shifr	Taʼlim yoʻnalishining nomi	Kunduzgi	Sirtqi
1	60310100	Iqtisodiyot	+	+
2	60411200	Menejment	+	+
3	60711400	Texnologik jarayonlar va ishlab chiqarishni avtomatlashtirish va boshqarish	+	+
5	60710100	Kimyoviy texnologiya	+	+
6	60712500	Transport vositalari muhandisligi	+	+
7	60720600	Materialshunoslik va yangi materiallar texnologiyasi	+	+
8	60711200	Elektronika va asbobsozlik	+	+
9	60712000	Elektron apparaturalar ishlab chiqarish texnologiyasi	+	+
10	60720700	Texnologik mashinalar va jihozlar	+	+
11	60710700	Elektr texnikasi, elektr mexanikasi va elektr texnologiyalari	+	+
12	60722500	Geodeziya, kartografiya va kadastr	+	-
13	60721200	Yengil sanoat buyumlari konstruksiyasini ishlash va texnologiyasi	+	-

Magistratura yoʻnalishlari

№	Shifr	Taʼlim yoʻnalishining nomi
1	70710101	Kimyoviy texnologiya (Ishlab chiqarish turlari boʻyicha)
2	70721402	Texnologiyalar va jihozlar (Turlar boʻyicha)