Two Sisters (On the Terrace)

Ikki opa-singil ; (fransuzcha: Les Deux Sœurs)
	: '
Rassom	Pierre-Auguste Renoir
Yil	1881
Oqim	Moybo'yoq tasviri
Joylashuvi	Chikago san'at instituti, Chikago

Two Sisters yoki On the Terrace (fransuzcha: Les Deux Sœurs yoki Sur la terrasse) — fransuz rassomi Pierre-Auguste Renoir tomonidan 1881-yilda moyboʻyoqda chizilgan hamda Chikago sanʼat instituti kolleksiyasida saqlanayotgan kartina. Kartinaning hajmi 100.5 sm ×81 sm. Two Sisters (fransuzcha: Les Deux Sœurs) nomi muallif Renoir tomonidan va On the Terrace (fransuzcha: Sur la terrasse) nomi esa ushbu asarning ilk egasi Paul Durant-Ruel tomonidan qoʻyilgan.

Renoir ushbu kartinani chizishda Parijning g‘arbiy qismida, Chatoudagi Sena orolida joylashgan Maison Fournaise restoranining ayvonidan foydalangan. Rasmda yosh ayol singlisi bilan tashqarida oʻtirgani tasvirlangan. Opa-singillar ortida esa Sena daryosi tasvirlangan^[1].

Oʻsha davrda 18 yoshli aktrisa boʻlgan Jeanne Darlot (1863—1914) „opa“ obrazini gavdalantirishga yordam bergan, lekin „singil“ obrazidagi qizaloq kimligi nomaʼlum^[2].

Renoir kartina ustida ishlashni 1881-yilning aprel oyida boshlagan va u 1881-yil 7-iyulda Paul Durant-Ruel tomonidan 1,500 frankka sotib olingan^[3]. Kartina birinchi marta 1882-yilning bahorida boʻlib oʻtgan 7-impressionistlar koʻrgazmasida namoyish etilgan. 1883-yilda kartina sanʼat asarlari kolleksioneri hamda nashriyotchi Charles Ephrussi kolleksiyasiga qoʻshilgan, lekin 1892-yilda u yana Durant-Ruel oilasiga qaytarib berilgan.

1925-yilda kartina chikagolik Annie Swan Coburnga 100,000 dollarga sotilgan. U oʻlimidan oldin, 1932-yilda kartinani 1933-yildan beri saqlanib kelinayotgan Chikago sanʼat institutiga vasiyat qilib qoldirgan.

Manbalar

↑ „Overview: Renoir's Two Sisters (On the Terrace)“. The Art Institute of Chicago. Qaraldi: 2024-yil 23-aprel.
↑ „Exhibition archive — Auguste Renoir "The Two Sisters (On the Terrace)", from the collection of the Art Institute of Chicago, 3 July 2001 – 16 September 2001“. The State Hermitage Museum. Qaraldi: 2024-yil 23-aprel.
↑ „Pierre-Auguste Renoir — Two Sisters (On the Terrace), 1881“. The Art Institute of Chicago (1881). Qaraldi: 2024-yil 23-aprel.

[1] „Overview: Renoir's Two Sisters (On the Terrace)“. The Art Institute of Chicago. Qaraldi: 2024-yil 23-aprel.

[2] „Exhibition archive — Auguste Renoir "The Two Sisters (On the Terrace)", from the collection of the Art Institute of Chicago, 3 July 2001 – 16 September 2001“. The State Hermitage Museum. Qaraldi: 2024-yil 23-aprel.

[3] „Pierre-Auguste Renoir — Two Sisters (On the Terrace), 1881“. The Art Institute of Chicago (1881). Qaraldi: 2024-yil 23-aprel.

[1]

[2]

[3]