Vainikkala
Vainikkala — Sharqiy Finlandiyaning Janubiy Karelia viloyatida joylashgan, taxminan 400 nafar kishi istiqomat qiluvchi qishloq. U Lappeenranta munitsipaliteti tarkibiga kiradi va shahar markazidan janubda taxminan 29 kilometr (18 mi) masofada joylashgan.
Vainikkala Finlandiyaning Rossiya bilan chegarasida joylashgan va qishloqning temir yoʻl stansiyasi Finlandiya chegara nazorati hamda bojxona nazorati uchun muhim nazorat punkti boʻlib xizmat qiladi. Poyezd stansiyasi Finlandiya va Rossiya oʻrtasida qatnovchi barcha yoʻlovchi poyezdlar uchun tutashish nuqtasi hisoblanadi. Biroq, Vainikkalada chiptalar sotilmaydi. Eng yaqin chipta kassasi Lappeenrantada joylashgan boʻlib, Rossiyaga borish yoki Rossiyadan kelish chiptalarining eng yaqin kassasi Laxti shahrida joylashgan[1]. Helsinki va Sankt-Peterburg oʻrtasidagi tezyurar poyezd — Allegro kuniga bir necha marta Vainikkalada toʻxtaydi. 2019-yilda Vainikkala chegarasini 656 mingdan ortiq odam kesib oʻtdi[2]. Yuk terminali Vainikkalani Yevropa Ittifoqi va Rossiya oʻrtasidagi savdoda muhim tugunga aylantiradi.
Vainikkaladagi eng yirik ish beruvchilar Finlandiya davlat yoʻlovchi temir yoʻl kompaniyasi VR va Yevropa Ittifoqi bojxona ittifoqining Finlandiya bojxona idorasi Tulli hisoblanadi.
Lee Harvey Oswald SSSRga Vainikkala orqali kirgan va uning pasportida qishloq nomi tushirilgan muhr bor[3].
Manbalar
[tahrir | manbasini tahrirlash]- ↑ „Vainikkala Rautatieasema“ (fi). VR. 2018-yil 7-mayda asl nusxadan arxivlangan. Qaraldi: 2020-yil 6-yanvar.
- ↑ „Rajanylitysliikenne Suomen ja Venäjän maarajalla“ (fi). raja.fi. Finnish Border Guard (2020). 2019-yil 16-iyunda asl nusxadan arxivlangan. Qaraldi: 2020-yil 6-yanvar.
- ↑ „Who Was Lee Harvey Oswald?“ (en-US). Frontline on PBS (2013-yil 19-noyabr). Qaraldi: 2020-yil 6-yanvar.
 |