Vasiliy Makeyev
| Vasiliy Makeyev | |
|---|---|
| Tavalludi |
1948-yil 29-mart |
| Ijod qilgan tillari | ruscha |
| Fuqaroligi |
 SSSR→  Rossiya |
Vasiliy Stepanovich Makeyev (1948-yil 29-mart kuni Stalingrad viloyatining Kleymenovskiy qishlogʻida tugʻilgan) – rus sovet yozuvchisi, nasrnavisi va shoiri. 1971-yildan boshlab SSSR Yozuvchilar uyushmasi aʼzosi boʻlgan. 2007-yilda Rossiya Federatsiyasining xizmat koʻrsatgan madaniyat xodimi unvoniga sazovor boʻlgan. Shuningdek, Volgograd viloyatining faxriy fuqarosi (2007) hamda Rossiyaning Katta adabiyot mukofoti sovrindori (2008) hisoblanadi. Volgograd viloyatining faxriy fuqarosi (2007). Rossiya Katta adabiy mukofoti laureati (2008).
Biografiyasi
[tahrir | manbasini tahrirlash]1948-yil 29-martda Stalingrad viloyatining Novoanninskiy tumanidagi Kleymenovskiy qishlogʻida dunyoga kelgan.
1966-1971-yillarda Maksim Gorkiy nomidagi Adabiyot institutida taʼlim olgan. 1971-yildan 1972-yilgacha „Yosh leninchi“ viloyat gazetasida faoliyat yuritgan. 1972-yildan 1980-yilgacha Quyi Volga kitob nashriyotida muharrir lavozimida ishlagan. 1980-yildan boshlab Mixail Lukonin nomidagi Volgograd Adabiyotchilar uyi direktori va RSFSR Yozuvchilar uyushmasi Volgograd viloyati yozuvchilar tashkilotining adabiy toʻgaragi rahbari sifatida faoliyat olib borgan[1].
1971-yildan SSSR Yozuvchilar uyushmasining aʼzosi boʻlgan. 1962-yildan boshlab sheʼriy asarlar yozish orqali adabiy ijod bilan shugʻullana boshlagan. 1966-yilda Makeyevning qalamidan chiqqan „Yelkadagi osmon“ nomli ilk kitobi nashr etildi. Kitobning soʻzboshisida yozuvchi M. K. Lukonin shunday deb yozgan edi: „…Makeyev sheʼriyatga tegishli, sheʼriyat esa unga tegishli. Soʻzni tabiiy his etish qobiliyati, hissiyotliligi, qalb saxovati, nozik tuygʻulari, tasvirlarining rangdorligi, oʻtkir sheʼriy nigoh – bular uning kuchi hisoblanadi“[2]. 1971-yilda Makeyev „Okolitsa“ sheʼriy toʻplami uchun SSSR Yozuvchilar uyushmasiga qabul qilindi. Keyinchalik uning „Poklonenie“ (1974), „Pora medosbora“ (1978), „Senozornik“ (1979), „Pod kazachim solnishkom“ (1983), „Chistie chetvergi“ (1976), „V kakie nashi leta“ (1999), „Kazachya serga“ (2006) nomli toʻplamlari nashr etildi. 2007-yilda uning uch jildlik „Tanlanganlar“ toʻplami nashrdan chiqdi va bu asar uchun Rossiyaning Katta adabiyot mukofotiga sazovor boʻldi[3].
Manbalar
[tahrir | manbasini tahrirlash]- ↑ Энциклопедия Волгоградской области 2009.
- ↑ „О Василии Макееве и его стихах“. Изба читальня: литературный портал. 2016-yil 21-sentyabrda asl nusxadan arxivlangan. Qaraldi: 2021-yil 30-yanvar.
- ↑ „Лауреаты литературных премий — 2008: библиографический указатель“ (ru). ЦБСК. 2019-yil 13-sentyabrda asl nusxadan arxivlangan. Qaraldi: 2021-yil 30-yanvar.