Xalqaro nogironlar kuni

Xalqaro nogironlar kuni (BMTning boshqa rasmiy tillarida: ingliz: International Day of Disabled Persons, arab: اليوم الدولي للأشخاص ذوي الإعاقة, ‎isp: Día Internacional de las Personas con Discapacidad, xit: 世界残疾人日, fr: Journée internationale des personnes handicapées) – har yili 3-dekabrda nishonlanib kelinadi. BMT Bosh Assambleyasining 1992-yil 47-sessiyasida (A/RES/47/3 rezolyutsiyasi) tashkil etilgan. Bosh Assambleya barcha davlatlar va xalqaro tashkilotlarni ushbu kunni nishonlashda hamkorlik qilishga chaqiradi.

Keyinchalik, xuddi shu sessiyada (A/RES/47/88-sonli rezolyutsiyada) Bosh Assambleya BMTga a’zo davlatlarda nogironlarni jamiyatga integratsiya qilish maqsadida Xalqaro nogironlar kunini nishonlash tadbirlarini o‘tkazish tashabbusi bilan chiqqan.

Xalqaro nogironlar kuni mavzulari

1998-yil – ,,San’at, madaniyat va mustaqil hayot tarsi”;
1999-yil – ,,Yangi ming yillikda barcha uchun imkoniyatlar”;
2000-yil – ,,Axborot texnologiyalarini yaratish, barchaga yangi ish o‘rinlarini yaratadi”;
2001-yil – ,,To‘liq ishtirok etish va tenglik: taraqqiyotni o‘lchash va natijalarni baholash uchun yangi yondashuvlarga talab”;
2002-yil – ,,Mustaqil hayot va barqaror daromad”;
2003-yil – ,,Bizning o‘z ovozimiz”;
2004-yil – ,,Biz”siz biz bo‘lmaymiz”;
2005-yil – ,,Nogironligi bo‘lgan shaxslarning huquqlari: rivojlanish jarayonidagi faoliyat”;
2006-yil – ,,Elektron ommaviy axborot vositalariga kirish”;
2007-yil – ,,Nogironligi bo‘lgan insonlar uchun munosib ish’;
2008-yil – ,,Nogironlar huquqlari to‘g‘risidagi konvensiya: barchamiz uchun qadr-qimmat va adolat”;
2009-yil – ,,Mingyillik rivojlanish maqsadlarini barchamizning maqsadimizga aylantirish: nogironlar va ular yashayotgan jamiyat imkoniyatlarini kengaytirish”;
2014-yil – ,,Barqaror rivojlanish: texnologiya salohiyati”;
2015-yil – ,,Inklyuzivlikning ahamiyati: har qanday qobiliyatga ega bo‘lgan odamlar uchun qulaylik va imkoniyatlar”;
2017-yil – ,, Barqaror jamiyat va butun insoniyat uchun o‘zgarish”;
2018-yil – ,,Nogironligi boʻlgan shaxslarning imkoniyatlarini kengaytirish hamda inklyuzivlik va tenglikni taʼminlash”;
2019-yil – ,,Nogironligi bo‘lgan shaxslarning jamiyat hayotidagi faol ishtirokini ta’minlash – 2030-yilgacha Barqaror rivojlanish kun tartibini amalga oshirish”;
2020-yil – ,,Nogironlar ehtiyojlarini qamrab oluvchi inklyuziv va barqaror pospandemiya dunyosi sari’;
2021-yil – ,,Nogironligi bo‘lgan shaxslarning jamiyat hayotidagi faol ishtirokini ta’minlash – 2030-yilgacha Barqaror rivojlanish kun tartibini amalga oshirish”.

Havolalar