Xoʻchkob
Xoʻchkob Xoʻchkob | |
|---|---|
| Qishloq | |
| Mamlakat | Oʻzbekiston |
| Viloyat | Buxoro viloyati |
| Tuman | Kogon tumani |
| Mahalla fuqarolar yigʻini | Navroʻz |
Xoʻchkob — Buxoro viloyati Kogon tumanidagi qishloq[1]. Xalq orasida Xoʻja Axbori Kabir nomi bilan mashhur afsonaviy shaxsning mozori joylashgan qishloqqa nisbatan qoʻllaniladigan atama. Baʼzan „Qoʻshkaʼb“ tarzda talaffuz qilinadi. Bu joy baland tabiiy tepalikdan iborat boʻlib, keyinchalik mozorga aylantirilgan. Ayrim arxeologlar tepalik qadimda qoʻrgʻon boʻlgan, degan fikrni bildiradilar. Tepalikning quyi qismida afsonaviy Xoʻja Axbori Kabirning 12 metrlik ramziy qabri bor. Arxeologik tadqiqotlar natijasida qabr ichida inson jasadi mavjud emasligi aniqlandi. Tepalikda epigrafik yodgorlik namunalari — koʻplab qabrtoshlar mavjud va ularning ayrimlari olimlar tomonidan oʻrganilgan. Tepalik oldida Oʻzbekiston mustaqiligi yillarida qurilgan masjid mavjud[2].
Manbalar[tahrir | manbasini tahrirlash]
- ↑ Rajabov Q.,Jamolova D. Kogon shahri tarixi. (Qisqacha maʼlumotnoma). Toshkent: Tafakkur, 2015 — 54 bet.
- ↑ Toʼrayev H. Buxoro toponimikasi. Buxoro: Durdona, 2021 — 276 bet. ISBN 978-9943-7455-7-5.