Xorvatiya televideniyesi
| Xorvatiya madaniyati |
|---|
 |
Xorvatiya televideniyesi — 1956-yildan buyon faoliyat yuritib keladi. Xorvatiyada birinchi televizion signal Philips oʻzining televizor tizimini birinchi marotaba ommaga namoyish qilgan 1939-yilgi Zagreb yarmarkasida uzatilgan. Dastlabki muntazam eshittirishlar 1956-yilda, Yugoslaviya radio televideniye tizimidagi birinchi telestansiya Zagreb televideniyesi tashkil etilgach, boshlangan. Rangli eshittirishlarni 1972-yildan efirga uzatish boshlangan. Qamrov va kanallar soni barqaror ravishda oʻsib borib, 2000-yillarda Xorvatiyada toʻrtta kanal faoliyat yuritgan. DVB-T signallarini uzatish 2002-yilda boshlanib, 2010-yilda raqamli almashinuv toʻliq yakunlangan. Oʻsha davrda IPTV, kabel televideniye va sunʼiy yoʻldosh televideniyesi bozorlari sezilarli darajada oʻsgan. 2011-yilga kelib aholining atigi 60.7 foizi faqat DVB-T televizoridan foydalangan boʻlib, qolganlari IPTV, kabel va sunʼiy yoʻldosh televideniyesidan foydalangan.
IPTV, kabel va sunʼiy yoʻldosh televideniyesi
[tahrir | manbasini tahrirlash]
2009 va 2010-yillar oraligʻida IPTVga ulangan aholi soni 23% ga oʻsib, qariyb 300 000 tani tashkil etgan. IPTVdan foydalangan davlatlar qatorida Xorvatiya beshinchi oʻrinni egallab, Singapur, Gonkong, Kipr va Estoniyadan keyingi oʻrinda turadi[1]. 2011-yilning uchinchi choragida ularning soni yanada ortib, jami 349 138 kishini tashkil etgan. Bu Xorvatiya aholisining 23.6% ini tashkil qiladi[2].
Televideniyedan asosiy axborot manbai sifatida foydalanadigan aholi qatlami[3]:
[tahrir | manbasini tahrirlash]| Geografik mintaqa | Aholi ulushi |
|---|---|
| Slavoniya | 79% |
| Lika, Kordun, Banovina | 63% |
| Shimoliy Xorvatiya | 61% |
| Shimoliy Xorvatiya qirgʻoqlari | 59% |
| Dalmatiya | 47% |
| Zagreb va uning atrofidagi hududlar | 43% |
| Oʻrtacha | 57% |
Eski kanallar
[tahrir | manbasini tahrirlash]Manbalar
[tahrir | manbasini tahrirlash]- ↑ Marinko Petković. „Telekomi u minusu zbog smanjene potrošnje korisnika“ (hr). Vjesnik (2011-yil 27-fevral). 2012-yil 14-iyunda asl nusxadan arxivlangan. Qaraldi: 2011-yil 31-dekabr.
- ↑ „Tromjesečni usporedni podaci tržišta elektroničkih komunikacija u Republici Hrvatskoj, treće tromjesečje 2011. godine“ (hr). Croatian Regulatory Authority for Network Industries. 2013-yil 24-iyulda asl nusxadan arxivlangan. Qaraldi: 2011-yil 31-dekabr.
- ↑ „Hrvati najviše koriste televiziju kao izvor informiranja“ (hr). Poslovni dnevnik (2011-yil 15-mart). 2011-yil 26-martda asl nusxadan arxivlangan. Qaraldi: 2012-yil 5-iyul.
