Xotiram siniqlari
 | Bu maqolani oʻchirish taklif etiladi. Sababi va mos munozaralarni quyidagi sahifadan topishingiz mumkin: Vikipediya:Oʻchirishga/Xotiram siniqlari. Maqolani yaxshilashga urinib koʻrishingiz mumkin, ammo munozara jarayoni yakunlanmagunga qadar mazkur ogohlantirish xabarini aslo olib tashlamang. Manbalar izla: „Xotiram siniqlari“ – yangiliklar · gazeta · kitoblar · akademik · JSTOR Maqola muallifiga: Maqolangiz oʻchirilish arafasida boʻlsa, nima qilish kerak? Administratorlarga: bu yerga havolalar • tarix (oxirgi oʻzgarish) • siniqlari qaydlar • oʻchirish |
| Muallif(lar) | Zulfiya Isroilova |
|---|---|
| Mamlakat | Oʻzbekiston |
| Til | oʻzbekcha |
| Janr(lar)i | Doston |
Xotiram siniqlari − 1995-yilda oʻzbek shoirasi Zulfiya tomonidan yozilgan lirik doston[1]. Doston mustaqillik davrining mahsuli boʻlib, unda mustaqillik dil-dildan ulugʻlangan. Shoira asarda umri davomida oʻzi boshidan kechirgan yaxshi va yomon kunlarini eslab, hayot va jamiyat taraqqiyoti haqida, baxt va badbaxtlik toʻgʻrisida teran poetik mulohaza yuritgan. Shoʻrolar davridagi achchiq hayot qoldirgan dard- u alamlarini, orzu-istaklarini doston misralari qat-qatiga toʻkib solgan. Shu tarzda el-yurt koʻngliga harorat baxsh etgan. Mustaqillikning buyuk neʼmati haqiqiy hurriyatni, chin erkinlikni katta quvonch bilan olqishlagan:
Hurriyat, keldingmi – nahotki kelding... Pinhona sog‘indim, pinhona kutdim. Yomg‘irga bag‘rini tutgan sahrodek – Sening nasimingga qalbimni titdim Kelding-ey, Istiqlol istiqlol bo‘lib, Qalbimga nasiming bilan yo‘l solding. Sen shu hur nazmga ixtiyor berib, Men og‘ir bulutdek bir yog‘ib oldim...
Zulfiyaning bu lirik dostonida maqsad aniq boʻlganidek, uning ifodasi ham kam-u koʻstsiz. Shoir yangi hayot – mustaqillik haqida hayajon bilan kuylar ekan, yangi-yangi tashbihlar, yorqin obrazlar yaratgan. Ana shuning uchun ham bu lirik- falsafiy dostonni 80 yoshli shoira ijodining oʻziga xos gultoji desa boʻladi.
 | Bu maqola birorta turkumga qoʻshilmagan. Iltimos, maqolaga aloqador turkumlar qoʻshib yordam qiling. (Aprel 2024) |