Xristo Maksimov

Xristo Maksimov
Tavalludi	1867-yil 13-fevral Sofiya, Bolgariya
Vafoti	1902-yil 13-aprel Sofiya, Bolgariya
Ijod qilgan tillari	Bolgar tili

Xristo Maksimov (bolgarcha: Xristo „Mircho“ Maksimov; 1867-yil 13-fevralda Usmonli imperiyasining Samokov shahrida tugʻilgan – 1902-yil 13-aprelda Bolgariya knyazligining Sofiya shahrida vafot etgan) bolgar yozuvchisi, shoiri, publitsisti, jurnalisti, pedagogi va xalq o‘qituvchisi.

Biografiyasi

1884-yildan boshlab besh yil davomida oʻz tugʻilgan shahrida o‘qituvchilik qildi. Oʻz ustida mustaqil ishlab, barcha boʻsh vaqtini rus adabiyoti asarlarini oʻqishga bagʻishladi. Dastlabki she’rlarini „Napred“ gazetasida „Mircho“ taxallusi bilan eʼlon qildi. Shundan soʻng ikki yil mobaynida Stanimakada (Asenovgrad) o‘qituvchilik faoliyatini olib bordi. Oʻsha yerda oʻzining birinchi sheʼriy toʻplami „Yangi Gusla“ni nashr ettirdi. Plovdivga koʻchib oʻtgach, „Duma“ jurnali nashriyotida vaqtincha ishladi va u yerda xalq hayoti haqidagi ilk hikoyalari hamda birinchi pedagogik maqolalarini eʼlon qildi.

Xalq o‘qituvchilarining manfaatlarini himoya qilish uchun ittifoq tashkil etilgan va Maksimov bu ittifoqqa rahbarlik qilgan. Yozuvchi 1893-yildan boshlab „Uchitel“ nomli ilgʻor pedagogik jurnalni „Uchitelskoy drujbi“ ilovasi bilan, 1902-yildan esa „Prosvet“ nomli ijtimoiy-pedagogik jurnalni nashr eta boshladi.

„Mircho“ taxallusi ostida „Tʼmen svet“ (ijtimoiy maktab hayotidan) va „Sheʼrlar toʻplami“ nomli ikkita hikoyalar toʻplamini nashr etdi.

Yozuvchi sil kasalligiga chalingan. Bu kasallik uni uzoq vaqt toʻshakka mixlab qoʻydi. Kasal boʻlib, hayotining soʻnggi kunlarida „Uchitel“ va „Prosveta“ jurnallari uchun maqolalar yozishni davom ettirdi.

Xotirasi

1940-yilda Sofiyada haykaltarosh I. Lazarov tomonidan yaratilgan Xristo Maksimov byusti oʻrnatildi. Samokov shahrida oʻrta taʼlim maktabi ham yozuvchi nomi bilan atalgan.