Ya — eto ti
| „Ya — eto ti“ | |
|---|---|
| Murat Nasirov qoʻshigʻi | |
| „Kogda mi vmeste, nikto ne kruche“ albomidan | |
| Chiqarilgan sanasi | 1998 |
| Yozib olingan | 1998 |
| Janr | pop |
| Davomiyligi | 4:04 |
| Klipi | |
| „Ya — eto ti“ YouTubeda | |
„Ya — eto ti“ (ruscha: Я — это ты, yaʼni „Men — bu sen“) — rossiyalik xonanda Murat Nasirov ijro etgan qoʻshiq. 1998-yil eʼlon qilingan. „Ya — eto ti“ Nasirov repertuaridagi eng taniqli taronalarning biri boʻlib, xonanda qoʻshiq uchun 1998-yil „Zolotoy grammafon“ mukofoti bilan taqdirlangan. Qoʻshiq matnini ham, kuyini ham Muratovning oʻzi yozgan[manba kerak].
Nasirov „Ya — eto ti“ qoʻshigʻini ilk bor 1998-yilning fevral oyida Rossiyaning Chelyabinsk shahri drama teatrida ijro etgan. Premyera davomida xonanda shunday degan:
Hozir sizga mutlaq yangi qoʻshiqni ijro etib berishni istagan boʻlardim. Uning kelajagi bormi, yoʻqmi, siz hukm chiqarasiz. Qoʻshiqni nomi esa „Ya — eto ti“.[1]
Qoʻshiq klipini olish ishlari Praga shahrida olib borilgan[2]. Klip Rossiya telekanallarida xitga aylangan. Klip YouTube platformasiga 2011-yilning oktyabrida yuklanganidan 2022-yilning sentyabriga qadar 21 million martadan oshiq koʻrilgan[3].
2021-yil „SOLDOUT“ dueti qoʻshigʻi kaverini eʼlon qilgan[4]. Kaver tanqidchilar va boshqa xonandalar tomonidan yuqori baholangan.
Manbalar
[tahrir | manbasini tahrirlash]- ↑ „Интересный факт: великую песню "Я — это ты" Мурат Насыров впервые спел со сцены в Челябинске“ (ruscha). Хорошие новости (31-may 2016-yil). Qaraldi: 8-sentyabr 2022-yil.
- ↑ „MADE IN PRAGUE: ВСЕ ЭТИ КЛИПЫ СНИМАЛИ В ПРАГЕ“ (2015-yil 7-iyul). 2023-yil 17-martda asl nusxadan arxivlangan. Qaraldi: 2023-yil 17-mart.
- ↑ „Мурат Насыров - Я это ты (Official video)“. YouTube (25-oktyabr 2011-yil). Qaraldi: 8-sentyabr 2022-yil.
- ↑ „Группа SOLDOUT представила новый трек «Я – это ты»“ (ruscha). АртМосковия (29-iyun 2021-yil). Qaraldi: 8-sentyabr 2022-yil.