Yazidiylik

Yazidiylik - asoschisi Yazid ibn Anisa bo‘lib, uning aqidasiga ko‘ra, ajam xalqlarining biridan payg‘ambar chiqib, Qur’oni karimdan boshqa kitob ham olib keladi va Muhammad (s.a.v.) keltirgan islom dinini mansux (bekor) qiladi. Bu firqaning mazkur buzuq aqidasi Qur’oni karimning: «Muhammad sizlarning erkaklaringizdan birortasiga ota emasdir, balki u Allohning elchisi va payg‘ambarlarning muhridir...» (Ahzob, 40), degan oyatiga mutlaqo zid. Alloh taolo bu oyatda Muhammad (a.s.)ni «Payg‘ambarlarning muhri» deb atadi. Zero, har bir muhim yozma hujjat so‘nggida muhr bosilgani kabi oxirgi payg‘ambar kelgach, payg‘ambarlar kitobiga ham muhr bosilgandek bo‘ldi. Yazidiylik Alloh taoloning mazkur oyatini ko‘r-ko‘rona inkor qilganliklari sabab, ahli sunna val-jamoa nazdida kofir sanaladi.

Adabiyotlar

• Najmiddinov J., Karimov J., Turdiyeva D.. Dinshunoslik. Qomusiy lugʻat. Imom Buxoriy xalqaro markazi nashriyoti, 2017 — 480 bet. ISBN 978-9943-5105-3-1.