Yuriy Pshenichnikov

Shavkat Raimqulov
Shaxsiy maʼlumot
Tavallud sanasi	2-iyun 1940-yil
Tavallud joyi	Toshkent, Oʻzbekiston SSR
Vafot sanasi	20-dekabr 2019-yil ; (79 yoshda)
Vafot joyi	Moskva, Rossiya
Boʻyi	184 m (603 ft 8 in)
Ampluasi	Darvozabon
Mukofotlari
Professional faoliyati*
Yillar	Jamoa
1958—1959	Mexnat Zahiralari
1960—1967	Paxtakor
1967—1971	CSKA
1972	Paxtakor
Milliy terma jamoa
1966—1970	SSSR
Boshqargan klublari
1978	CSKA
1979—1983	Conthub Laos
1984—1988	CSKA
1989	COSFAP Madagaskar
1990	CSKA
1990	SKA
1991—1992	Presnya (Rossiya)
1993	Asmaral (Rossiya)
1994—1995	Ratel-Haima (BAA)
1995—1999	SDUSSHOR CSKA (Rossiya)
1999—2000	CSKA
2002—2003	Torpedo-Metallurg (Rossiya)
2005—2007	Dinamo (Moskva) (Rossiya)
	*Professional klublardagi gollari (ichki chempionat)

Yuriy Pavlovich Pshenichnikov (1940-yil 2-iyun – 2019-yil 20-dekabr) – Toshkentda tugʻilgan sovet ittifoqilik professional sobiq futbolchi va futbol murabbiy. Faoliyati davomida darvozabon pozitsiyasida oʻynagan

Futbolchilik faoliyati

Yuriyning otasi Ulug Vatan urushi paytida bedarak yoʻqolgan va onasi unga familiyasini bergan^[1].

Yuriyning birinchi sport ustozi L. Yanson uni darvozabon pozitsiyasida sinab koʻrgan. 1956-yildan Toshkentning „Mehnat zaxiralari“ (ruscha: Трудовых резервов) yoshlar jamoasida futbol oʻynay boshlagan. 1958-yildan „Mehnat zahiralari“ ning asosiy jamoasida oʻynagan. 1960-yilda „Paxtakor“ klubiga oʻtgan va jamoa safida debyut qilgan. 1968-yilgi mavsumda „Paxtakor“ klubidan Moskvaning SSKA jamoasiga oʻtgan. Yil yakunida u mamlakatning eng yaxshi darvozaboni deb topilgan.

1969-yilda u oʻng qoʻlini jarohat olgan va shifokorlar unga platina plastinka qoʻyishgan. Natijada Pshenichnikov 1970-yilda Meksikada boʻlib oʻtgan jahon chempionatida ishtirok eta olmagan. Jarohatini davolab qaytganida, yangi murabbiy Valentin Nikolaev uni oʻrinbosarlar tarkibiga joʻnatib yuborgan. Pshenichnikov jamoa tarkibini tark etish haqida ariza yozdi va ikki oy davomida jamoa mashgʻulotlarida ishtirok etmagan. Shu bilan birga, u har kuni Sokolnikida mustaqil ravishda mashgʻulot olib borgan.

1972-yilgi mavsumda „Paxtakor“ jamoasiga qaytib kelgan va oʻynovchi-murabbiyga aylangan. Pshenichnikov mavsum yakunida jarohat tufayli faoliyatini yakunlagan. Yuriy Sovet Oliy ligasida u 243 ta oʻyin oʻtkazgan.

Xalqaro oʻyinlar

U SSSR terma jamoasida 19 marta oʻyin oʻtkazgan va UEFA Yevro-1968 turnirida ishtirok etgan^[2]. U milliy terma jamoadagi debyutini 1966-yil 18-sentyabrda Belgradda SFRYga qarshi oʻyinda (2:1) oʻtkazgan. U milliy terma jamoadagi faoliyatini 1970-yil 28-oktyabrda SFRYga qarshi oʻyinda (4:0) yakunlagan.

Murabbiylik faoliyati

1978-yilda CSKAda murabbiy boʻlib ishlagan. SSSR Mudofaa vazirligi orqali u xorijiy mamlakatlardagi armiya jamoalari bilan ishlash uchun yuborilgan. 1979—1983-yillarda u Laos Konthab, 1989-yilda COSFAP klubi (Antananarivo , Madagaskar) jamoalarida bosh murabbiy boʻlgan.

1984—1988-yillarda CSKA sport maktabi direktori lavozimida ishlagan. 1990-yilda, iyulgacha u CSKA-2 jamoasida murabbiy boʻlib ishlagan va sentyabrdan SKA (Rostov-Don) klubini boshqargan.

1991-yilda u „Asmaral“ FK jamoasida murabbiy boʻlib ishlagan. 1994—1995-yillarda (oktyabrgacha) yana xorijda, Birlashgan Arab Amirliklarining Ratel-Xayma klubida bosh murabbiy sifatida ishlagan.

1995-yilning dekabridan – SDUSHOR CSKA (Moskva)da murabbiy, 1999-yilgacha yosh futbolchilar bilan ishlagan. 1999—2000-yillarda CSKA jamoasida darvozabonlar murabbiy lavozimida ishlagan. 2002—2003-yillarda „Torpedo-ZIL“ sport maktabida (Moskva) murabbiy boʻlgan.

2002-yilda u Pshenichnikov futbol darvozabonlari klubini ochdi, u yerda Pshenichnikovning oʻzi 10 va undan katta yoshdagi bolalar bilan ishlagan. 2005-yil martdan 2008-yil sentyabrgacha „Dinamo“ sport maktabi (Moskva) darvozabonlar guruhi murabbiyi. 2019-yil 20-dekabrda vafot etgan.

Yutuqlari

Futbolchi sifatida

Sovet Oliy ligasi gʻolibi: 1970
Yilning eng yaxshi darvozaboni: 1968
Leva Yashin klubi aʼzosi (110 ta oʻyinda gol oʻtkazib yubormagan)
„Paxtakor“ tarkibida 1972-yilda SSSR birinchi ligasi gʻolibi

Murabbiy sifatida

Lao ligasi gʻolibi: 1981, 1982 (murabbiy sifatida).
Laos kubogi gʻolibi: 1980 (murabbiy sifatida).
„Shuhrat“ medali bilan taqdirlangan (2006)^[3]

Manbalar

↑ „«В игре с „Зенитом“ пропустил три автогола». Как пережить землетрясение и стать тренером в Лаосе“. 2016-yil 4-noyabrda asl nusxadan arxivlangan. Qaraldi: 2015-yil 5-iyun.
↑ „Умер бывший вратарь сборной СССР Юрий Пшеничников“ (ru). Kommersant (2019-yil 21-dekabr). Qaraldi: 2020-yil 19-fevral.
↑ „Oʻzbekiston Respublikasi Prezidentining Farmoni“. 2022-yil 11-martda asl nusxadan arxivlangan. Qaraldi: 2022-yil 18-sentyabr.

Havolalar

Profil (rus tilida) (Wayback Machine saytida 2020-06-30 sanasida arxivlangan)
Yuriy Pshenichnikov Footballfactsru saytida

[1] „«В игре с „Зенитом“ пропустил три автогола». Как пережить землетрясение и стать тренером в Лаосе“. 2016-yil 4-noyabrda asl nusxadan arxivlangan. Qaraldi: 2015-yil 5-iyun.

[2] „Умер бывший вратарь сборной СССР Юрий Пшеничников“ (ru). Kommersant (2019-yil 21-dekabr). Qaraldi: 2020-yil 19-fevral.

[3] „Oʻzbekiston Respublikasi Prezidentining Farmoni“. 2022-yil 11-martda asl nusxadan arxivlangan. Qaraldi: 2022-yil 18-sentyabr.

[1]

[2]

[3]