Abdulvohid ibn Abdulloh an-Nasriy

Abdulvohid ibn Abdulloh (arabcha: عبد الواحد بن عبد الله), an-Nasriy yoki an-Nadriy nomi bilan tanilgan, VIII asrning 723–724-yillarida Madina, Makka va Toif shaharlari hokimi boʻlgan.

Faoliyati

Abdulvohid Umaviylar xalifasi Yazid ibn Abdulmalik davrida xalifalikning turli lavozimlarida xizmat qilgan. Dastlab Hims, soʻngra 721/722-yilda Toif hokimi boʻlgan. 723-yilda qoʻshimcha ravishda Madina va Makkaga ham hokim etib tayinlangan va oʻsha yili haj ziyoratlarini nazorat qilish va unga rahbarlik uning zimmasiga yuklatilgan.

Oʻzidan oldingi rahbardan farqli oʻlaroq, Abdulloh shaharnig yuqori qatlam vakillari bilan yaxshi munosabatda boʻlishi kerak deb hisoblagan va mahalliy mashhur kishilar al-Qosim ibn Muhammad ibn Abu Bakr va Salim ibn Abdulloh ibn Usmon bilan muntazam ravishda maslahatlashib turgan. Natijada, Abdullohning Madina hokimiyatidagi boshqaruvi xalq orasida tez orada mashhurlikka erishgan. Abdulvohid Madina qozisi etib dastlab Saʼd ibn Ibrohim ibn Abdurahmon az-Zuhriyni tanlagan, biroq keyinchalik Saʼdni ishdan boʻshatib, uning oʻrniga Said ibn Sulaymon ibn Zayd al-Ansoriyni tayinlagan.

724-yilning yanvar oyida Yazidning vafotidan keyin Abdulvohid dastlab Hishom ibn Abdulmalik tomonidan yana qayta Madina hokimi etib tasdiqlangan, biroq oʻsha yilgi haj ziyoratlarini nazorat qilish va unga rahbarlik qilish xalifaning amakisi Ibrohim ibn Hishom ibn Ismoil al-Maxzumiyning zimmasiga yuklatilgan. Shu yilning noyabr oyida Hishom amakisi Ibrohimni Madina, Makka va Toifga ham hokim qilib tayinlashga qaror qilgan va shu sababli Abdulvohidni lavozimidan chetlashtirgan. Abdulvohid ibn Abdulloh Madina hokimi lavozimida 2 yildan kamroq muddat davomida xizmat qilgan.

Adabiyotlar

• Ibn 'Asakir, Abu al-Qasim 'Ali ibn al-Hasan ibn Hibat Allah. Tarikh Madinat Dimashq, Vol. 37 (Arabic). Beirut: Dar al-Fikr, 1996. 
• The History of al-Ṭabarī, Volume XXV: The End of Expansion: The Caliphate of Hishām, A.D. 724–738/A.H. 105–120, SUNY Series in Near Eastern Studies.. Albany, New York: State University of New York Press, 1989. ISBN 978-0-88706-569-9. 
• Judd, Steven C.. Religious Scholars and the Umayyads: Piety-minded supporters of the Marwanid caliphate. Oxford and New York: Routledge, 2014. ISBN 978-0-415-84497-0. 
• Khalifah ibn Khayyat. Tarikh Khalifah ibn Khayyat, 3rd ed (Arabic). Al-Riyadh: Dar Taybah, 1985. 
• Al-Mas'udi, Ali ibn al-Husain. Les Prairies D'Or, Tome Neuvième (French). Paris: Imprimerie Nationale, 1877. 
• McMillan, M.E.. The Meaning of Mecca: The Politics of Pilgrimage in Early Islam. London: Saqi, 2011. ISBN 978-0-86356-437-6. 
• The History of al-Ṭabarī, Volume XXIV: The Empire in Transition: The Caliphates of Sulaymān, ʿUmar, and Yazīd, A.D. 715–724/A.H. 96–105, SUNY Series in Near Eastern Studies.. Albany, New York: State University of New York Press, 1989. ISBN 978-0-7914-0072-2. 
• Al-Shafi'i, Muhammad ibn Idris. The Epistle on Legal Theory. New York and London: New York University Press, 2013. ISBN 978-0-8147-6998-0. 
• Waki', Muhammad ibn Khalaf ibn Hayyan. Akhbar al-Qudat (Arabic). Beirut: 'Alam al-Kutub, n.d.. OCLC 957287781. 
• Al-Ya'qubi, Ahmad ibn Abu Ya'qub. Historiae, Vol. 2 (Arabic). Leiden: E. J. Brill, 1883. 

Oldingisi Abdurahmon ibn al-Dahhok ibn Qays al-Fihriy	Madina hokimi 723–724	Keyingisi Ibrohim ibn Hishom ibn Ismoil al-Maxzumiy
Oldingisi Abdurahmon ibn al-Dahhok ibn Qays al-Fihriy	Makka hokimi 723–724	Keyingisi Ibrohim ibn Hishom ibn Ismoil al-Maxzumiy