Abu-l-Barakot al-Anboriy

Kamoluddin Abu-l-Barakot Abdurrahmon ibn Muhammad ibn Ubaydulloh ibn Abu Sa’id al-Ansoriy al-Anboriy
Shaxsiy maʼlumotlar
Tavalludi	milodiy 1119-yil (hijriy 513-yil)
Vafoti	milodiy 1181-yil (hijriy 577-yil) Bagʻdod
Dini	Islom
Tanilgan sohasi	tilshunos, nahv olimi

Abu-l-Barakot al-Anboriy (arabcha: أبو البركات الأنباري) — ‎Kamoluddin Abu-l-Barakot Abdurrahmon ibn Muhammad ibn Ubaydulloh ibn Abu Saʼid al-Ansoriy al-Anboriy) —   tilshunos, nahv olimi.

Hayoti

Hijriy 513-yil rabi’us-soniy (milodiy 1119-yil iyul) oyi­da Bag‘dodda tug‘ilgan. Abu Mansur Mavhub al-Javoliqiy (1073-1144-yillar) va Ibn ash-­Shajariylardan taʼlim olgan. Uning eng qimmatli asari til tarixiga oid bo‘lib, uning vujudga kelishidan boshlab to muallifning o‘zigacha bo‘lgan davrni qamrab olgan bir qator maʼlumotlar o‘rin olgan. Ushbu kitob maʼlumotlarining qiymati bilan bir qatorda, o‘sha davrdagi arab mualliflari asarlaridagi o‘ziga xos xususiyatlari bilan ham ajralib turadi. Bundan tashqari, Abu-l-Barakot al-Anboriyning eʼtiborga molik asarlaridan yana biri Kufa va Basra nahv maktablari o‘rtasidagi farqlar haqidagi „Al-Insāf fӣ masāil al-xilāf bayna-n-nahviyyӣn al-basriy­yӣn va-l-kufiyyӣn“ asari hisoblanadi.

Vafoti

Abu-l-Barakot al-Anboriy umri davomida biror marotaba Bag‘dodni tark etmagan. Sha’bon oyi­ning to‘qqizinchi kunida (19-dekabr) Bag‘dodda vafot etgan.

Asarlari

Quyidagi asarlar ham Abu-l-Barakot al-Anboriyga nisbat berilgan:

• „Al-Ig‘rāb fӣ jadal al-aʼrāb“;
• „Nuzha al-­alibbā fӣ tabaqāt al-udabā“;
• „Al-Balāg‘a fi-l-farq bayna al-muzakkar va-l-muannas“;
• „Asrār al-’arabiyya“;
• „Al-­Bayān fӣ g‘arӣb i’rāb al-Qur’ān“;
• „Umda al-udabā fӣ maʼrifa mā yuktab fӣhi bi-l-alif va-l-yā“.

Adabiyotlar

1. V. A. Zveginsev. Istoriya arabskogo yaziko­znaniya. Kratkiy ocherk. — Moskva: „KomKniga“, 2007. 63-64.